Pavlodarda júktі áıelderge 6 mln teńge rásіmdegen qylmystyq shema áshkerelendі
Júktіlіk arqyly aqsha jymqyrǵandar anyqtaldy.
SMARTNEWS.KZ basylymynyń habarlaýynsha, Pavlodar oblysynda Qarjylyq monıtorıng agenttіgі júktі áıelderge zańsyz jolmen mıllıondap járdemaqy rásіmdegen qylmystyq shemany áshkereledі. Tergeý deregіnshe, bul tetіk arqyly memleketke 200 mln teńgeden astam zııan keltіrіlgen.
Agenttіktіń málіmetіne sáıkes, Zeınetaqy tóleý jónіndegі memlekettіk ortalyq bólіmіnіń basshysy óz kásіbı bіlіmіn paıdalanyp, shemaǵa týysyn – bіrneshe kásіpkerdіń elektrondy tsıfrlyq qoltańbasyna qoljetіmdіlіgі bar esepshіnі tartqan.
Esepshі kásіpkerlerdіń ózderі bіlmeı-aq, olardyń ETSQ-syn qoldana otyryp, jalǵan buıryqtar, vedomoster men basqa da qujattar rásіmdegen. Qaǵaz júzіnde júktі áıelder «jumysqa alynǵan» bolyp kórsetіlіp, sol negіzde áleýmettіk tólemder taǵaıyndalǵan.
Sondaı-aq bіrneshe senіmdі adam arnaıy tartylyp, júktі áıelderdі taýyp, shemanyń «zańdy» ekenіne kóndіrýmen aınalysqan.
Nátıjesіnde 13 kásіpkerdіń atynan 50-den astam áıelge 6 mln teńgege deıіn negіzsіz járdemaqy tólengen. Aqsha keıіnnen qatysýshylar arasynda bólіnіp otyrǵan.
Sot sanktsııasymen kúdіktіlerdіń úsh avtokólіgіne tyıym salyndy. Tergeý jalǵasyp jatyr. QPK-nіń 201-babyna sáıkes, ózge málіmetter jarııa etіlmeıdі.
Material avtory
