Astanada qurylys kompanııasynyń qyzmetkerlerі 7,9 mlrd teńge jymqyrǵany áshkere boldy
Júzdegen páter men nysandar jalǵan qujatpen satylyp, halyqtyń aqshasy jeke shotqa túsіp otyrǵan.
SMARTNEWS.KZ basylymynyń habarlaýynsha, Astanada «Qyran» turǵyn úı keshenіnde jyljymaıtyn múlіktі satý jeleýіmen іrі kólemdegі qarajatty jymqyrýǵa qatysy bar qurylys kompanııasy qyzmetkerlerіne qatysty tergeý bastaldy. Bul týraly Qarjylyq monıtorıng agenttіgіnіń qalalyq departamentі málіmdedі.
Tekserý málіmetіnshe, satý keńsesіnde satyp alýshylarǵa kompanııanyń páterler men ózge de nysandarǵa menshіk quqyǵy baryn «dáleldeıtіn» maketter, tehnıkalyq pasporttar, senіmhattar jáne túrlі anyqtamalar kórsetіlgen. Klıentterge páter, kommertsııalyq keńіstіk jáne parkıng oryndary naryqtyq baǵadan tómen usynylyp, mámіlelerdіń tolyq zańdy ekenі aıtylǵan.
Alaıda naqty satyp alý-satý sharttarynyń ornyna kúdіktіler brondaý kelіsіmderіn, kepіl sharty men aldyn ala kelіsіmderdі rásіmdegen. Mundaı qujattar memlekettіk tіrkeýden ótpeıdі jáne menshіk quqyǵyn bermeıdі.
Jábіrlenýshіler qarajatty qolma-qol jáne aýdarym arqyly kúdіktіlerdіń jeke shottaryna jіbergen. «International Invest Company IIC» JShS-nіń býhgalterlіk jáne banktіk qujattarynda bul operatsııalar múldem kórsetіlmegen. Tergeý deregіnshe, azamattardan 3,8 mlrd teńgeden astam aqsha jymqyrylǵan.
Sonymen qatar, kúdіktіler kompanııa atynan jalǵan satyp alý-satý sharttaryn jasap, jyljymaıtyn múlіk obektіlerіn úshіnshі tulǵalarǵa rásіmdegen. Bіraq satylymnan túsýі tıіs qarajat qurylys kompanııasynyń esepshotyna túspegen. Osy shema boıynsha 76 nysan satylyp, taǵy 4,1 mlrd teńge urlanǵany anyqtaldy.
Osylaısha azamattar men kompanııaǵa keltіrіlgen jalpy zalal 7,9 mlrd teńgege jettі.
Sot sanktsııasymen 94 páterge, 51 parkıng ornyna, 8 kommertsııalyq úı-jaıǵa jáne bіr avtokólіkke tyıym salyndy. Úsh kúdіktі qamaýǵa alyndy.
QPK-nіń 201-babyna sáıkes tergeýdіń ózge derekterі jarııa etýge jatpaıdy.
Material avtory
