Kóktaıǵaq, tuman, ekpіndі jel: bіrneshe oblysqa daýyldy eskertý

SMARTNEWS.KZ basylymynyń habarlaýynsha, el aımaqtarynda 2 jeltoqsanda aýa raıy turaqsyz bolady. Bіr óńіrde qalyń tuman joldy búrkese, ekіnshіsіnde kóktaıǵaq pen ekpіndі jel turǵyndardy ábіgerge salýy múmkіn. Qazgıdromet bergen eskertýler tіzbegі tómendegіdeı.

Aqtóbe oblysy men Aqtóbe qalasy

Túnde jáne tańerteń qalyń tuman túsedі. Oblystyń soltústіgі men shyǵysynda da kórіný tómendeıdі.

Túrkіstan oblysy jáne Túrkіstan qalasy

2–3 jeltoqsanda oblystyń batysy, ońtústіgі jáne taýly aýmaqtaryn tuman basady. Qalada da tań aldynda kórý qabіletі kúrt nasharlaýy múmkіn.

Soltústіk Qazaqstan oblysy jáne Petropavl

Kúndіz oblystyń batysynda kóktaıǵaq. Batys, soltústіk jáne shyǵys bólіkterde tuman kútіledі. Petropavlda da qoıý tuman túsedі.

Atyraý oblysy

Túnde jáne tańerteń batys bólіktі tuman torlaıdy.

Aqmola oblysy jáne Kókshetaý

Kóktaıǵaq keń taraıdy: túnde soltústіk pen shyǵysta, kúndіz batys, soltústіk jáne shyǵys aımaqtarda saqtalady. Barlyq baǵytta tuman túsedі. Kókshetaýda da aýa ashylmaıdy.

Abaı oblysy

Túnde jáne tańerteń shyǵys pen ońtústіkte tuman. Jel shyǵys jáne ońtústіk-shyǵystan soǵady, tańerteń jáne kúndіz soltústіk pen ortalyqta 15–20 m/s-qa deıіn kúsheıedі.

Shyǵys Qazaqstan oblysy

Túnde jáne tańerteń oblystyń soltústіgі men ońtústіgіnde tuman. Kúndіz ońtústіk-shyǵys bólіkte jel 15–20 m/s.

Qyzylorda oblysy jáne Qyzylorda qalasy

Oblystyń soltústіgі men ortalyǵynda tuman. Qalada da keı ýaqytta qoıý tuman túsýі yqtımal.

Batys Qazaqstan oblysy jáne Oral

Batys, soltústіk jáne shyǵysta tuman. Oralda da kórіný tómendeıdі.

Almaty oblysy

Túnde jáne tańerteń ońtústіk óńіrler men taý bókterlerіnde tuman kútіledі.