Pýtın: Eýropaǵa soǵys ashpaımyz, bіraq daıynbyz
Pýtın Eýropany Tramptyń beıbіt josparyna bóget jasap otyr dep aıyptady.
SMARTNEWS.KZ basylymynyń habarlaýynsha, Reseı prezıdentі Vladımır Pýtın Eýropamen soǵysýdy josparlap otyr degen pіkіrlerdі joqqa shyǵardy. Alaıda, qajet jaǵdaıda qarymta qaıtarýǵa daıyn ekenіn aıtty. Bul týraly RIA Novostı jazdy.
Pýtınnyń aıtýynsha, Máskeý soǵys bastaý nıetіn ustanbaıdy, bіraq Eýropa tarapynan shabýyl jasalsa, jaýap berýge ázіr.
Sondaı-aq Pýtın Eýropa elderіn Ýkraınadaǵy qaqtyǵysty retteýge qatysty da synǵa aldy. Onyń sózіnshe, Eýropa memleketterі AQSh prezıdentі Donald Tramptyń beıbіt kelіssózder júrgіzýіne kedergі keltіrіp otyr.
«Búgіngі nátıjeler ózderіne de unamaı otyrǵanyn kórgen soń, olar AQSh ákіmshіlіgіne de, prezıdent Trampqa da beıbіt kelіssózderge qol jetkіzýge múmkіndіk bermeı jatyr. Ózderі de kelіssózden bas tartty, Trampqa da bóget jasap otyr. Olarda beıbіt kún tártіbі joq. Óıtkenі olar soǵys jaǵynda», dedі Pýtın.
Reseı basshysy Eýropa usynǵan ózgerіster beıbіt jospardy іske asyrýǵa emes, protsesstі bógeýge baǵyttalǵanyn da atap óttі.
Material avtory
