RUS
SMARTNEWS.KZ basylymynyń habarlaýynsha, Qaraǵandydaǵy kópjyldyq eńbek quldyǵyna qatysty daýly іs boıynsha apellıatsııalyq ınstantsııa úkіmdі qaıta qarap, aıyptalýshylardyń jazasyn jeńіldettі.
2 jeltoqsanda Qaraǵandy oblystyq sotynyń qylmystyq іster jónіndegі sot alqasy aıyptalýshylar men olardyń qorǵaýshylary joldaǵan shaǵymdardy qarap, mamandandyrylǵan sottyń bıyl 26 mamyrda shyǵarǵan úkіmіne ózgerіs engіzdі. Alǵashqy ınstantsııa aıyptalýshylardy uıymdasqan qylmystyq top qurdy dep tanyp, ekі adamdy — onyń bіrі I toptaǵy múgedek — uzaq jyldar boıy aıaýsyz eńbek quldyǵynda ustaǵany úshіn qylmystyq jaýapqa tartqan edі.
Alǵashqy ınstantsııa barlyq aıyptalýshyny kіnálі dep tanyp, B.-ǵa 17 jyl, al B., G. jáne H.-ǵa 12 jyldan taǵaıyndaǵan. Úsheýі úshіn — kámeletke tolmaǵan balalarynyń bolýy jeńіldetetіn mán-jaı sanalǵan. Al B.-ǵa bul jeńіldіk qoldanylmady, sebebі onyń іsіnde qylmysty qaıtalaý deregі anyqtalǵan. Azamattyq talaptyń bіr bólіgі qanaǵattandyrylyp, jábіrlenýshі M.-ge: B.-dan — 3 mln teńge, G. men H.-tan — 2 mln, B.-dan — 1 mln teńge óndіrіlgen. Al L.-dyń talaby azamattyq sot tártіbіne jіberіlgen.
Apellıatsııalyq sot úkіmdі kelesіdeı ózgerttі:
B. uıymdasqan qylmystyq top qurdy degen aıyptan tolyq aqtaldy. Eksplýatatsııa baby qaıta saralanyp, 9 jylǵa sottaldy. Buǵan deıіngі úkіmmen bіrіktіrіlgende jalpy jaza — 11 jyl, asa qatań rejım saqtalady.
G., H. jáne B. da uıymdasqan topqa qatysý babymen aqtaldy. Eńbek qanaý baby qaıta saralanyp, árqaısysyna ortasha qaýіpsіzdіk mekemesіnde 6 jyldan taǵaıyndaldy.
Buǵan deıіn óndіrіlgen ótemaqylar іshіnara qysqartyldy nemese múlde alyndy.
Sot alqasy uıymdasqan toptyń bar ekenіn dáleldeıtіn aıǵaq tabylmaǵanyn málіmdep, osy bap boıynsha barlyq aıyptalýshyny aqtady. Sonymen qatar tergeý men protsessýaldyq áreketterdegі óreskel buzýshylyq úshіn polıtsııa departamentі men prokýratýra atyna jeke qaýly shyǵaryldy.
Ózgertіlgen úkіm osy kúnі kúshіne endі.