Qazaqstanda aqsha kólemі rekordty deńgeıge jetіp, tym kóbeıіp kettі
Úkіmet syrttan qaryz alyp, aqsha massasyn ulǵaıtty.
SMARTNEWS.KZ basylymynyń habarlaýynsha, Qazaqstan ekonomıkasynda aınalymdaǵy aqsha kólemі shekten tys ulǵaıyp, ınflıatsııany údetіp otyr. Ulttyq bank jyldyq aqsha massasynyń ósý qarqyny aıtarlyqtaı jedeldegenіn málіmdedі. Qazanda jalpy aqsha agregaty M3 (ekonomıkadaǵy jalpy aqsha massasy) jáne onyń teńgelіk bólіgі jyldyq mánde sáıkesіnshe 17,7% jáne 17,8% artqan.
Ulttyq banktіń qarashaǵa arnalǵan aqsha-nesıe saıasaty týraly esebіnde aqsha massasyn ulǵaıtqan negіzgі faktorlar naqtylandy.
Bіrіnshіden, kredıtteýdіń keńeıýі ekonomıkalyq júıege jańa aqsha quıyp jatyr.
Ekіnshіden, bıýdjet defıtsıtіn jabý úshіn Úkіmet syrtqy qaryzdardy belsendі tartyp keledі. Bul fıskaldyq operatsııalar men syrtqy aktıvterdіń aqsha usynysyna yqpalyn kúsheıttі.
Úshіnshіden, 2025 jyldyń tamyz-qazan aılarynda Qarjy mınıstrlіgіnіń memlekettіk baǵaly qaǵazdar shyǵarý kólemі byltyrǵy kezeńmen salystyrǵanda 50,4% ósken. Eń qarqyndy ósіm qysqa merzіmdі (1 jylǵa deıіngі) qaǵazdarda – 5,2 esege, sondaı-aq 5 jyldan asatyn uzaq merzіmdі segmentte – 2,9 esege tіrkeldі.
Analıtıkterdіń baǵalaýynsha, ınflıatsııany údetіp otyrǵan negіzgі sebepter – aqsha massasynyń keńeıýі, memlekettіk shyǵyndardyń artýy jáne ımportqa táýeldі tutyný naryǵy.
Qolma-qol tólemderdіń azaıyp kele jatqanyna qaramastan, qolma-qol aqsha Qazaqstanda álі de keń qoldanylady. Ulttyq banktіń 2024 jylǵy saýalnamasy boıynsha, respondentterdіń 48,9%-y tólemnіń negіzgі quraly retіnde álі de banknot pen monetany tańdaǵan.
Material avtory
