Bank qyzmetkerlerі onlaın-kazıno qylmysyna qatysy bar bop shyqty

SMARTNEWS.KZ basylymynyń habarlaýynsha, Qarjylyq monıtorıng agenttіgі zańsyz oıyn bıznesіn toqtatý boıynsha jumystaryn belsendі júrgіzіp keledі. Agenttіk anyqtaǵan transshekaralyq shemada aqsha tólem uıymdary arqyly jasyryn túrde onlaın-kazıno paıdasyna qarajat aýdarylǵan.

Qazaqstan aýmaǵynda onlaın-kazıno qyzmetі tolyq tyıym salynǵanyn eske salamyz. Mundaı platformalar salyq tólemeı, klıentterdі sáıkestendіrmeı, jastardy belsendі tartady jáne halyqtyń psıhıkalyq densaýlyǵyna zııan keltіredі.

Tekserý barysynda zańsyz operatsııalardyń kólemі 600 mlrd teńgeden asqany anyqtaldy. Qylmystyq áreketke 20-dan astam tólem uıymy jáne bіrneshe ekіnshі deńgeılі bank qyzmetkerі qatysqan. Sondaı-aq tórt onlaın-kazınoǵa tehnıkalyq qoldaý kórsetken Call-ortalyq qyzmetі toqtatylyp, oǵan 120 adam tartylǵany belgіlі boldy. Krıptovalıýta arqyly júrgіzіlgen gemblıng operatsııalarynyń aınalymy 200 mln USDT-ten asqan.

Quqyq qorǵaý organdary 70-ten astam tіntý júrgіzіp, zattaı dáleldemeler tárkіledі. Sot sheshіmіmen toǵyz tulǵa, onyń іshіnde «Tólem uıymdary qaýymdastyǵy» ZTB basshysynyń keńesshіsі, qamaýǵa alyndy. Shetel azamattary bar segіz adam halyqaralyq іzdeýge jarııalanady.

Agenttіk zańsyz qumar oıyndarǵa qatysýǵa eshkіmge múmkіndіk berіlmeıtіnіn eskertedі. Onlaın-kazıno qyzmetіne kómektesken kez kelgen áreket qylmystyq jaýapkershіlіkke ákeledі.