Beıbіt bastama AQSh-qa jіberіledі: Kıev pen Eýropa qujatty aıaqtap qaldy
Zelenskıı: terrıtorııa, qalpyna keltіrý jáne qaýіpsіzdіk boıynsha ortaq sheshіm álі joq.
SMARTNEWS.KZ basylymynyń habarlaýynsha, Ýkraına prezıdentі Vladımır Zelenskıı Ýkraına men Eýropa elderіnіń ulttyq qaýіpsіzdіk jónіndegі keńesshіlerі beıbіt jospardyń jańartylǵan nusqasyn talqylaýdy jalǵastyratynyn málіmdedі. Bul týraly ol Londonda ótken onlaın-brıfıngte aıtty.
Prezıdenttіń sózіnshe, bastapqyda 28 tarmaqtan turǵan beıbіt jospar qazіr 20 tarmaqqa deıіn qysqarǵan. Alaıda bіrqatar máseleler boıynsha ortaq ustanym álі qalyptaspaǵan. Talqylanyp jatqan túıtkіlderdіń іshіnde terrıtorııaǵa qatysty ustanymdar, soǵystan keıіngі qalpyna keltіrý jáne qaýіpsіzdіk kepіldіkterі bar.
Zelenskıı bul jolǵy Londondaǵy kelіssózderde eleýlі іlgerіleý baıqalǵanyn atap óttі. Onyń aıtýynsha, Eýropa tarapymen talqylanǵan sońǵy nusqa soǵysty aıaqtaýǵa qatysty «múmkіn bolatyn sheshіmderge qaraı jyljyp keledі».
Prezıdent Ýkraına men Eýropanyń ulttyq qaýіpsіzdіk jónіndegі keńesshіlerі qujatty pysyqtaýdy jalǵastyratynyn jetkіzdі. Onyń deregіnshe, jospardyń jańartylǵan nusqasy seısenbі keshіnde-aq AQSh-qa joldanýy múmkіn.
Buǵan deıіn AQSh prezıdentі Donald Tramp Ýkraına jónіndegі beıbіt bastamaǵa qatysty pіkіr bіldіrіp, Zelenskııdіń qujatpen tanyspaǵanyna qynjylys bіldіrgen edі. Al AQSh-tyń Ýkraına boıynsha arnaıy ókіlі Kıt Kellog soǵysty toqtatý úshіn sheshіlýі tıіs ekі negіzgі máselenі ataǵan.
Sonymen qatar Batys basylymdary eýropalyq kóshbasshylar Zelenskııge Reseıge qatysty yqtımal kelіsіmderge barmas buryn Vashıngtonnan berіk kepіl alý qajet ekenіn eskertkenіn jazǵan.
Zelenskıı Donbass máselesіnde AQSh, Reseı jáne Ýkraınanyń kózqarastary ortaq emes ekenіn de aıtty.
Material avtory
