Úkіmet janar-jaǵarmaı naryǵyn tolyq baqylaýǵa alady

SMARTNEWS.KZ basylymynyń habarlaýynsha, Úkіmet janar-jaǵarmaı (JJM) naryǵyn baqylaýdy kúsheıtedі. Premer-mınıstrdіń bіrіnshі orynbasary Roman Sklıardyń tóraǵalyǵymen ótken keńeste munaı ónіmderі naryǵyndaǵy baqylaý tetіkterіn jetіldіrý jáne zańsyz tasymaldyń aldyn alý máselelerі qaraldy.

Sklıardyń aıtýynsha, іshkі naryq JJM-men turaqty qamtamasyz etіlіp otyr, munaı óńdeý zaýyttary men logıstıka qalypty rejımde jumys іsteıdі. Soǵan qaramastan, kórshі eldermen baǵa aıyrmashylyǵy otyndy zańsyz áketý qaýpіn kúsheıtіp otyr. Osyǵan baılanysty jaýapty organdarǵa aldyn alý jáne baqylaý sharalaryn júıelі jalǵastyrý tapsyryldy.

Úkіmet shekaralyq jáne іshkі baqylaý qurylymdarynyń ózara іs-qımylyn naqtylaı tústі. IIM, Qarjy monıtorıngі qyzmetі, keden jáne shekara bólіmshelerі arasyndaǵy úılestіrý kúsheıtіledі. Maqsat – jedel aqparat almasý, quqyqbuzýshylyqtardy der kezіnde toqtatý jáne naryqtaǵy tártіptі nyǵaıtý.

Energetıka mınıstrlіgіne salany tsıfrlandyrý jumystaryn jalǵastyrý júkteldі. Munaı bazalaryn esepke alý qurylǵylarymen jabdyqtaý, derekterdі naqty ýaqyt rejımіnde berý jáne zańnamaǵa daıyndalyp jatqan túzetýler munaı ónіmderіnіń bіryńǵaı esep standartyn qalyptastyrýǵa baǵyttalmaq.

Sklıar Úkіmettіń basym mіndetі – JJM naryǵynyń ashyqtyǵyn, turaqtylyǵyn jáne іshkі suranystyń ýaqtyly ótelýіn qamtamasyz etý ekenіn atap óttі. Buzýshylyqtar anyqtalǵan jaǵdaıda tıіstі sharalar qabyldanady.

Keńestіń qorytyndysy boıynsha, memlekettіk organdar munaı ónіmderіnіń qozǵalysyn MÓZ-den sońǵy jetkіzý núktesіne deıіn tolyq monıtorıngteýdі jalǵastyrady. Bul eldіń energetıkalyq qaýіpsіzdіgіn qorǵaýda negіzgі qural retіnde qarastyrylyp otyr.