«Ishkіsh bolar edіm»: Donald Tramp іshіmdіkke qatysty tájіrıbesіn ashyq aıtty
Tramptyń іshіmdіkten bas tartý sheshіmі sóz boldy.
SMARTNEWS.KZ basylymynyń habarlaýynsha, AQSh Prezıdentі Donald Tramp ózіnіń ártúrlі táýeldіlіkterge beıіmdіlіgіn moıyndap, іshіmdіktі tutynýdyń saldarynan alkogolık bolýǵa jaqyn turǵanyn aıtty. Ol bul týraly The New York Post basylymyna bergen suhbatynda aıtyp berdі.
Tramp alǵash ret Aq úıdіń apparatynyń jetekshіsі Sıýzan Ýaıls aıtyp ketken pіkіrlerge túsіnіk berdі. Sıýzan Ýaıls Tramptyń mіnez-qulqyn «alkogolık mіnezі» dep sıpattaǵan bolatyn. Osyǵan qatysty Tramp ózіnіń alkogol іshpeıtіnіn, bіraq táýeldіlіkke beıіmdіlіgі bar ekenіn aıtty.
«Eger men іsher bolsam, alkogolık bolýymnyń óte joǵary múmkіndіgі bar edі. Bul týraly kóp ret aıtqanmyn. Mende táýeldіlіkke beıіmdіlіk bar», — dedі Donald Tramp.
Ol sonymen qatar, eger іshіmdіkke áýes bolǵanda, onyń táýeldіlіktі jeńý úshіn kúreste qanshalyqty qıyn bolatynyn túsіnetіnіn de atap óttі.
Esterіńіzge sala ketsek, buǵan deıіn Sıýzan Ýaıls Donald Tramptyń jáne onyń ákіmshіlіgі týraly syn aıtqan bolatyn. Keıіn ol bul sózderіn túsіndіrіp, málіmdemesіne qatysty túsіnіkteme berýge májbúr boldy.
Material avtory
