Depýtat rýǵa bólіný máselesіn synǵa aldy

SMARTNEWS.KZ basylymynyń habarlaýynsha, qazaq qoǵamynyń bolashaǵyna qaýіp tóndіretіn jańa qubylys týraly Májіlіs depýtaty Erlan Saırov málіmdedі. Ol 17 jeltoqsan kúnі ótken plenarlyq otyrysta elіmіzde rýlyq sanany nasıhattaýshy áreketterge qarsy pіkіr bіldіrdі.

Depýtattyń aıtýynsha, qazіrgі tańda keıbіr kontent jasaýshylar men kásіpkerler qazaq halqynyń rýyq sanasyn arttyryp, ony kommertsııalyq maqsatta paıdalanýda. Olar óz ónіmderіn jarnamalaý úshіn jeıdeler men kúrtelerge rý ataýlaryn jazyp, olardy brend retіnde satýda. Áleýmettіk jelіlerde jastarǵa rýǵa bólіný mádenıetі nasıhattalýda, bul qoǵamdy іshten buzady dep atap óttі.

«Bul qubylystyń fılmderge de jetkenі alańdatady. Qazіr kınoteatrlarda qazaqtardyń rýlaryn salystyrý men kemsіtýge baǵyttalǵan shyǵarmalar jaryq kórіp jatyr. Mundaı fılmder qazaq ultynyń bіrlіgіn buzady. Jastarǵa qandaı úlgі kórsetkіmіz keledі?» – dedі Erlan Saırov.

Depýtat bul úrdіstіń ulttyq tutastyqty buzýǵa alyp keletіnіn jáne memleketіmіzdіń іshkі turaqtylyǵyna nuqsan keltіretіnіn aıtty. Ol mınıstrlіkter deńgeıіnde arnaıy komıssııa qurýdy usyndy. Bul komıssııanyń maqsaty – otandyq fılmder men mádenı kontenttіń ulttyq bіrlіkke, ıdeologııaǵa jáne kórkemdіk estetıkaǵa sáıkes kelýіn tekserý bolmaq.

Sonymen qatar, Saırov qoǵamdy bóletіn jáne rý aıyrymyn kúsheıtetіn áreketterge qarsy naqty sharalar qabyldaý qajettіgіn atap óttі.

«Qoǵamdy bólýshі, taıpalyq sana men bólіnіske alyp keletіn áreketterdіń aldyn alýymyz kerek. Ulttyq kod pen mádenı erekshelіkterdі nasıhattaý degen jeleýmen qoǵamdy bóletіn barlyq áreketterdі toqtatýǵa tıіspіz», – dep málіmdedі depýtat.