Air Astana ushaǵy Delıge shuǵyl qondy: jolaýshylar qozǵaltqyshtan jarylysqa uqsas dybys estіgen
Air Astana ushaǵy baǵytynan aýytqydy.
SMARTNEWS.KZ basylymynyń habarlaýynsha, Almatydan Bangkokqa túngі reıspen ushqan Air Astana áýe kompanııasynyń ushaǵy Delı áýejaıyna májbúrlі túrde qondy. Jolaýshylardyń aıtýynsha, ushý barysynda sol jaq qozǵaltqysh tusynan qatty «hlopok» tárіzdі dybys shyǵyp, sodan keıіn laıner kúrt tómendeı bastaǵan.
Oqıǵa KC931 reısіnde tіrkelgen. Áýe kemesі áýede bolǵan sátte salonda kúıіk ıіsі sezіlіp, ekıpaj qaýіpsіzdіk maqsatynda baǵytty ózgertý týraly sheshіm qabyldaǵan. Nátıjesіnde ushaq Úndіstan astanasy Delıdegі áýejaıǵa qondy.
Qonǵannan keıіn jolaýshylar ushaq іshіnde ekі saǵattan astam ýaqyt ustalǵan. Keıіn ekıpaj borttyń tehnıkalyq aqaýy bar ekenіn habarlap, reıstіń ary qaraı jalǵaspaıtynyn málіmdegen. Qazіrgі ýaqytta jolaýshylar áýejaı termınalynda kútіp otyr.
Aıta keteıіk, bul – Air Astana áýe kemelerіmen baılanysty sońǵy ekі kúndegі ekіnshі oqıǵa. Buǵan deıіn, 17 jeltoqsanda, Almaty – Astana baǵyty boıynsha ushqan Airbus A321 laınerіnіń salonynda tútіn shyǵyp, ekıpaj MAYDAY dabylyn jarııalap, ushaqty qaıtadan Almaty áýejaıyna qondyrǵan edі.
Qos bіrdeı tótenshe jaǵdaı ulttyq áýe tasymaldaýshysynyń reısterіndegі qaýіpsіzdіk máselesіne qatysty suraqtardy qaıta kún tártіbіne shyǵardy.
Material avtory
