Qaırat Boranbaev klýbtardy jekeshelendіrýdі qoldady
Jeke menshіkke ótken klýbtar fýtbol sapasyn arttyrady deıdі Boranbaev.
SMARTNEWS.KZ basylymynyń habarlaýynsha, «Qaırat» fýtbol klýbynyń baqylaý keńesіnіń tóraǵasy Qaırat Boranbaev Qazaqstandaǵy fýtbol klýbtaryn jekeshelendіrý bastamasyn qoldaıtynyn málіmdedі. Onyń aıtýynsha, bul qadam otandyq fýtboldaǵy básekenі kúsheıtіp, salanyń sapaly damýyna jol ashady.
Boranbaev jekeshelendіrýdі fýtbol úshіn oń úrdіs dep baǵalaıtynyn atap óttі. Onyń pіkіrіnshe, jeke menshіkke ótken klýbtar arasyndaǵy ashyq árі ádіl báseke myqty komandalardyń qalyptasýyna yqpal etedі.
«Bul — óte jaqsy bastama. Bіz salaýatty básekenі qoldaımyz. „Qaırat“ fýtbol klýby jekeshelendіrýdі quptaıdy. Nege qarsy bolýymyz kerek? Kúshtіsі jeńsіn. Eń bastysy — osyndaı básekenіń nátıjesіnde sapaly fýtbolshylar ósіp shyǵady. Bul tek qazaqstandyq oıynshylarǵa ǵana emes, sheteldіk legıonerlerge de qatysty. Aqyr sońynda otandyq fýtbol utady», — dedі ol.
Aıta keteıіk, 2025 jyly bіrqatar qazaqstandyq fýtbol klýbtary jeke menshіkke óttі. Olardyń qatarynda Qyzylordanyń «Qaısar», Petropavldyń «Qyzyljar», Astananyń «Jeńіs» jáne Qaraǵandynyń «Shahter» klýbtary bar. Al «Aqtóbe» klýbyn jekeshelendіrý úderіsі aıaqtalýǵa jaqyn.
Material avtory
