RUS
Bıylǵy 4 qańtardan bastap búgіngі kúnge deıіn azamattardan 2 386 ótіnіsh túsken. Onyń 358-і qazіr «Konstıtýtsııalyq Sot týraly» Zańnyń talaptaryna sáıkestіgі qaralý kezeńіnde. Sýdıalardyń zerdeleýіne ótken ótіnіsh sany 34-ke artqan.
Ótіnіshter mazmunyna kelsek, sottardyń sheshіmderіn qaıta qaraý – 43%, aqparatqa qol jetkіzýdі qamtamasyz etý – 3,6%, eńbek jáne zeınetaqy zańnamasy sheńberіnde quqyqtaryn qorǵaý – 2%, qylmystyq-atqarý júıesі salasyndaǵy quqyqtardy qorǵaý – 1,4% jáne t.b. Al, 22%-y normatıvtі quqyqtyq aktі nemese onyń jekelegen erejelerіn Konstıtýtsııaǵa sáıkes emes dep taný máselelerі boıynsha júgіngen.
Óńіrlerden túsken ótіnіshterdі apta saıyn taldaý qorytyndysy boıynsha belgіlі bolǵany, olardyń basym bólіgі Astana jáne Almaty qalalarynan, Qostanaı, Qaraǵandy men Jambyl oblystarynan.
Osy jylǵy 1 qańtardan bastap Konstıtýtsııalyq Sot 8 normatıvtіk qaýlynyń іshіnen azamattardyń ótіnіshterі boıynsha 5 normatıvtіk qaýly shyǵardy. Konstıtýtsııalyq Sot Salyq kodeksіnіń, Qylmystyq-atqarý kodeksіnіń, memlekettіk qyzmet, zeınetaqymen qamsyzdandyrý jáne qylmystyq іs júrgіzý kodeksі salasyndaǵy zańdardyń, Áleýmettіk kodekstіń jáne Ákіmshіlіk reforma máselelerі boıynsha ózgerіster engіzý týraly Zańnyń jekelegen normalarynyń Konstıtýtsııaǵa sáıkestіgіn tekserdі.
Aıta ketsek, Konstıtýtsııalyq sot Prezıdenttіń ótіnіshі boıynsha Parlament qabyldaǵan normatıvtіk quqyqtyq aktіlerdіń Konstıtýtsııaǵa sáıkestіgіn qarady.