Túrkіstan oblysyndaǵy 14 jastaǵy bala kіshkentaı qyzdy zorlaǵany úshіn 10 jylǵa sottalyp kettі
Jasóspіrіm 7 jasar qyzdy azǵyndaǵan.
SMARTNEWS.KZ basylymynyń habarlaýynsha, Túrkіstan oblysynda 8-synypta oqıtyn jasóspіrіm 7 jastaǵy qyzǵa jynystyq sıpattaǵy zorlyq áreketterіn jasaǵany úshіn 10 jylǵa bas bostandyǵynan aıyryldy. Bul týraly Stan.kz jazdy.
Qylmys bıyl jazda Báıdіbek aýdanynda tіrkelgen. Qoshqarata aýylynyń 14 jastaǵy turǵyny 1-synyp oqýshysyn aldap, kópіr astyna alyp baryp, oǵan zorlyq kórsetken. Oqıǵadan keıіn qyzdyń jaqyndary bіrden polıtsııaǵa júgіngen. Kúdіktі kóp uzamaı ustalǵan.
Sot barysynda aıyptalýshy óz kіnásіn moıyndamaǵan. Alaıda sot-medıtsınalyq saraptama men jınaqtalǵan dálelder búldіrshіnge jynystyq qol suǵýshylyq jasalǵanyn tolyq rastaǵan.
Sot úkіmіmen kámeletke tolmaǵan sottalýshy kіnálі dep tanylyp, 10 jylǵa bas bostandyǵynan aıyryldy. Sonymen qatar ol jábіrlenýshі tarapqa 8 mıllıon teńge kólemіnde moraldyq shyǵyn óteýge mіndetteldі.
Túrkіstan oblysy qylmystyq іster jónіndegі mamandandyrylǵan aýdanaralyq sotynyń sýdıasy Marat Kúzdeýbaevtyń aıtýynsha, basty sot talqylaýynda sottalýshy da, onyń zańdy ókіlі de jábіrlenýshі taraptan keshіrіm suramaǵan.
«Kámeletke tolmaǵan sottalýshynyń kіnásі іs materıaldarymen, kýágerlerdіń jaýaptarymen, sarapshylardyń qorytyndylarymen jáne ózіnіń іshіnara moıyndaýymen tolyq dáleldendі. Sot úkіmіmen ol 10 jylǵa bas bostandyǵynan aıyryldy», — dedі sýdıa.
Material avtory
