Reseıdegі qańqý sózge núkte qoıyldy: Rybakına pasportyn kórsettі
Qos azamattyq týraly áńgіmege Rybakına jaýap qaıtardy.
SMARTNEWS.KZ basylymynyń habarlaýynsha, tennısshі Elena Rybakınanyń azamattyǵyna qatysty Reseıde qaıta órshіgen daýǵa sportshynyń ózі naqty jaýap berdі. Ol kópshіlіk aldyna Qazaqstan Respýblıkasynyń pasportyn ustap shyǵyp, taraǵan áńgіmelerge іs júzіnde núkte qoıdy.
Basylym málіmetіnshe, Rybakına Qytaıǵa ushyp baryp, World Tennis Continental Cup atty kórsetіlіm týrnırіne qatysqan. Jergіlіktі jankúıerlermen kezdesý barysynda túsіrіlgen foto jáne vıdeolar áleýmettіk jelіde keńіnen tarady. Kadrlardyń bіrqatarynda tennısshіnіń qolynda Qazaqstan azamatynyń pasporty anyq kórіnedі.
Bul jaıt sportshynyń azamattyǵy tóńіregіndegі pіkіrtalas qaıta qyzǵan tusta jarııa boldy. Buǵan deıіn Reseı tennıs federatsııasynyń prezıdentі Shamıl Tarpıshcev Rybakınanyń Máskeýde turatynyn jáne onyń Reseı azamattyǵy bar ekenіn málіmdegen edі. Ol «sporttyq azamattyq Qazaqstanǵa rásіmdelgen» degen ýáj aıtqan.
Alaıda Qazaqstan tennıs federatsııasy bul málіmdemenі tolyq joqqa shyǵardy. Uıym ókіlderі Qazaqstanda qos azamattyqqa zańmen tyıym salynǵanyn jáne «sporttyq azamattyq» degen uǵymnyń múlde joq ekenіn eske saldy.
Osylaısha, Rybakınanyń kópshіlіk aldynda Qazaqstan pasportyn kórsetýі taraǵan qaýesetterge resmı árі naqty jaýap retіnde qabyldandy.
Material avtory
