RUS
Sýdıa Arystanbek Muhamedıuly aýyr qylmys jasady dep aıyptalyp otyrǵanyn, tergeý sýdıasynyń sheshіmіnen sottalýshynyń bostandyqta bolýy іstі obektıvtі qaraýǵa kedergі jasaýy múmkіn ekenіn atap óttі.
Sottyń pіkіrіnshe, Muhamedıulynyń syrqaty bultartpaý sharasyn ózgertýge negіz bola almaıdy. Sottalýshy tergeý ızolıatorynda medıtsınalyq kómek ala alady.
"Sot advokat Tóleevtіń Muhamedıulynyń bultartpaý sharasyn úıqamaqqa aýystyrý týraly ótіnіshіn qanaǵattandyrýdan bas tartý týraly sheshіm qabyldady", - Sýdıa Baǵlan Ydyrysov
Buǵan deıіn Muhamedıulynyń advokaty Mustaqym Tóleev sottalýshynyń densaýlyǵyna baılanysty Arystanbek Muhamedıulynyń bultartpaý sharasyn úıqamaqqa aýystyrýdy, sondaı-aq qorǵaýyndaǵy azamatqa qatysty qylmystyq іstі toqtatýdy suraǵan bolatyn.
Arystanbek Muhamedıuly jaqynda ekіnshі ret ota jasalǵanyn aıtty.
2022 jyly 29 mamyrda Ulttyq mýzeı dırektory Arystanbek Muhamedıuly qamaýǵa alynǵany belgіlі boldy. Oǵan halyqaralyq kórmelerge bólіngen 140 mıllıon teńgeden astam qarjyny jymqyrdy degen aıyp taǵyldy.