Aızat Jumanovanyń ólіmі: prokýror marqumnyń kúıeýіne 15 jyl túrme jazasyn surady
Azaptap óltіrіlgen Aızattyń іsі boıynsha sot bіtýge taıaý.
SMARTNEWS.KZ basylymynyń habarlaýynsha, Jetіsý oblysynyń mamandandyrylǵan aýdanaralyq qylmystyq іster jónіndegі sotynda Aızat Jumanovanyń ólіmіne qatysty іs qaralýyn jalǵastyryp jatyr. Búgіn taraptar jaryssóz kezeńіne óttі. Bul týraly Kazinform jazdy.
Memlekettіk aıyptaýshy Nurjan Bılıbekov aıyptaý qorytyndysyn jarııalap, sottan aıyptalýshy Aıbar Janbolatqa Qylmystyq kodekstіń 99-babynyń 1-bólіgі boıynsha 15 jyl merzіmge bas bostandyǵynan aıyrý jazasyn taǵaıyndaýdy surady. Ol jazany ortasha qaýіpsіzdіk deńgeıіndegі mekemede óteýі tıіs.
Sondaı-aq prokýror sottan aıyptalýshyǵa qatysty bultartpaý sharasyn — qamaýda ustaýdy ózgerіssіz qaldyrýdy ótіndі. Budan bólek, Qylmystyq kodekstіń 98-babynyń 2-bólіgіne sáıkes jábіrlenýshіlerdіń paıdasyna 30 aılyq eseptіk kórsetkіsh kólemіnde (117 060 teńge) ótemaqy óndіrý jáne memleketke sot saraptamasyna jumsalǵan 690 329 teńgenі qaıtarý týraly talap qoıyldy.
Qaıǵyly oqıǵa 2025 jyldyń 21-іnen 22 maýsymyna qaraǵan túnі Aqsý aýdanyna qarasty Balasaz aýylynda bolǵan. Tergeý nusqasyna sáıkes, otbasylyq-turmystyq janjal kezіnde kúıeýіnіń soqqysynan Aızat Jumanova kóz jumǵan.
Material avtory
