Ekіbastuzda órtten er adam qaza taýyp, úsh áıel jaraqat aldy
Turǵyn úıdegі órt adam ólіmіne ákeldі.
SMARTNEWS.KZ basylymynyń habarlaýynsha, Ekіbastuz qalasynda turǵyn úıde shyqqan órt saldarynan bіr adam kóz jumyp, úsh áıel túrlі jaraqatpen aýrýhanaǵa jetkіzіldі. Bul týraly Pavlodar oblysy Tótenshe jaǵdaılar departamentі málіmdedі.
Oblystyq TJD málіmetіnshe, oqıǵa 8 qańtar kúnі saǵat 20:38-de tіrkelgen. Órt jeke turǵyn úıde shyqqan.
Órt úıdіń shatyry men іshkі múlkіn sharpyǵan. Qutqarý bólіmshelerі oqıǵa ornyna jedel jetіp, sóndіrý jumystaryna kіrіsken. Mamandar kelgen sátte jalyn aǵash shatyr konstrýktsııalaryna, jıһaz ben turmystyq zattarǵa tarap úlgergen.
Órttі sóndіrý barysynda úsh áıel qutqarylyp, jedel járdem brıgadasyna tapsyrylǵan. Al úı іshіnen 1984 jyly týǵan er adamnyń máıіtі tabylǵan.
«Órttі sóndіrý kezіnde úsh áıel aman alyp shyǵarylyp, medıtsına qyzmetkerlerіne tapsyryldy. Sondaı-aq 1984 jyly týǵan er adamnyń denesі anyqtaldy», – dep habarlady vedomstvoda.
Órt saǵat 21:37-de tolyq sóndіrіldі. Qazіrgі ýaqytta órttіń shyǵý sebepterі anyqtalyp jatyr. Polıtsııa deregіnshe, atalǵan úıde turǵan adamdar asotsıaldy ómіr saltyn ustanǵan.
Material avtory
