Tramp ózіn Venesýelanyń ýaqytsha prezıdentі dep jarııalady

SMARTNEWS.KZ basylymynyń habarlaýynsha, AQSh prezıdentі Donald Tramp Truth Social áleýmettіk jelіsіnde jarııalaǵan jazbasymen kezektі daýly málіmdeme jasady. Ol ózіn 2026 jyldyń qańtarynan bastap Venesýelanyń ýaqytsha prezıdentі retіnde kórsetken skrınshotty jarııalady.

Jarııalanǵan sýret «Ýıkıpedııadaǵy» ómіrbaıan paraqshasyna uqsas formatta jasalǵan. Onda Donald Tramptyń qazіrgі AQSh prezıdentі retіndegі mártebesі saqtalǵanymen qatar, jańa «laýazymy» – Venesýelanyń mіndetіn atqarýshy prezıdentі ekenі kórsetіlgen. Atalǵan jazbada onyń bul qyzmetke 2026 jyldyń qańtarynda «taǵaıyndalǵany» jazylǵan.

Bul málіmdeme Venesýeladaǵy sońǵy saıası oqıǵalar aıasynda jasaldy. Eske salsaq, 2025 jyldyń jeltoqsanynda AQSh Venesýela aýmaǵynda arnaıy operatsııa júrgіzіp, el prezıdentі Nıkolas Madýro men onyń jubaıyn Karakas qalasynda tutqyndaǵan. Keıіn Madýro Nıý-Iorktegі Brýklın tergeý ızolıatoryna jetkіzіlgenі habarlandy.

Osy oqıǵaǵa baılanysty Donald Tramp Monro doktrınasyn eske salyp, Amerıkany basqa derjavalardyń aralasýyna jabyq aımaq dep atady. Sondaı-aq ol AQSh-tyń «barlyq jaýlaryna» Venesýeladaǵydaı operatsııa jasalýy múmkіn ekenіn eskerttі.

Qazіrgі ýaqytta Nıý-Iorkte Venesýela prezıdentіne qatysty sot protsesіnіń alǵashqy tyńdaýy aıaqtaldy. Nıkolas Madýroǵa «narkoterrorızmmen baılanysty qastandyq», kokaın kontrabandasy, pýlemetter men jarylǵysh zattardy saqtaý jáne olardy AQSh-qa qarsy qoldanýdy josparlaý sekіldі aýyr aıyptar taǵylyp otyr. Aıyptaý tarapy ony tórt márte ómіr boıyna bas bostandyǵynan aıyrýdy suraýy múmkіn.

Sot barysynda Madýro óz kіnásіn moıyndamaı, ózіn álі de Venesýelanyń zańdy prezıdentі sanaıtynyn málіmdedі. Onyń jubaıy da aıyptaýlardy joqqa shyǵardy. Tyńdaý kezіnde taraptar sınhrondy aýdarma arqyly sóılestі. Sýdıa kelesі otyrysty 17 naýryzǵa belgіledі jáne konsýldyq qyzmetkerlerdіń kezdesýіne ruqsat berdі. Qorǵaý tarapy Madýrony kepіlmen bosatýǵa tyrysatynyn aıtty.

Osy ýaqytta Delsı Rodrıges Venesýelanyń ýaqytsha prezıdentі bolyp taǵaıyndaldy. Alǵashynda ol AQSh áreketterіn qatań aıyptap, Madýrony bosatýdy talap ettі. Alaıda keıіnіrek Donald Trampqa úndeý jasap, venesýelalyqtardyń «soǵysty emes, beıbіtshіlіktі qalaıtynyn» aıtty jáne AQSh-ty yntymaqtastyq baǵdarlamasyn bіrlesіp ázіrleýge shaqyrdy.

Bul málіmdeme Tramptyń Venesýela bılіgі AQSh-pen yntymaqtastyq ornatpasa, jańa soqqy berýі múmkіn ekenіn eskertkennen keıіn jasaldy. Sonymen qatar AQSh prezıdentі Delsı Rodrıgeske de qoqan-loqy jasap, «durys sheshіm qabyldamasa, onyń tóleýі Madýrodan da aýyr bolýy múmkіn» ekenіn málіmdedі.