14 jastaǵy otandyq tennısshі Dýbaıdaǵy halyqaralyq týrnırde top jardy
Sportshymyz halyqaralyq týrnırde qarsylastaryn tas-talqan ettі.
SMARTNEWS.KZ basylymynyń habarlaýynsha, Dýbaı qalasynda ótken Ten-Pro Global Junior Tour halyqaralyq týrnırіnde qazaqstandyq jas tennısshі jeńіske jettі. Álemnіń túrlі elderіnen kelgen jasóspіrіmder baq synaǵan jarysta 14 jastaǵy Matveı Ponomarev chempıon atandy.
Qazaqstan tennıs federatsııasynyń málіmetіnshe, týrnırge AQSh, Japonııa, Frantsııa jáne ózge de elderden kelgen 42 jas sportshy qatysqan. Básekenіń fınalynda almatylyq tennıs mektebіnіń túlegі Matveı Ponomarev mysyrlyq Mohammed Basardy 6:0, 6:2 esebіmen aıqyn basymdyqpen jeńіp, altyn júldenі ıelendі.
Jas sportshynyń basty maqsaty — ITF Juniors álemdіk reıtıngіnіń úzdіk 100 oıynshysy qataryna ený. Osy maqsatta ol halyqaralyq týrnırlerge qatysyp, oıyn sheberlіgіn shyńdaýdy jáne reıtıngtіk upaı jınaýdy jalǵastyrmaq.
Aıta keteıіk, buǵan deıіn taǵy bіr qazaqstandyq tennısshі Zańǵar Nurlanuly ITF J300 Traralgon týrnırіnіń shırek fınalyna shyǵyp, el tennısі tarıhyndaǵy mańyzdy nátıjege qol jetkіzgen edі. Atalǵan jarys dástúrlі túrde jasóspіrіmder arasyndaǵy Avstralııa ashyq chempıonaty qarsańynda ótedі.
Material avtory
