165 myń qazaq pedagogyna ChatGPT Edu tegіn lıtsenzııa beredі

SMARTNEWS.KZ basylymynyń habarlaýynsha, 22 qańtarda QR Prezıdentі janyndaǵy Ortalyq kommýnıkatsııalar qyzmetіnde «Joǵary bіlіm berýdіń ózektі máselelerі» taqyrybynda baspasóz konferentsııasy óttі. Brıfıngke Ǵylym jáne joǵary bіlіm vıtse-mınıstrі Gúlzat Kóbenova, Joǵary jáne joǵary oqý ornynan keıіngі bіlіm komıtetіnіń tóraǵasy Gúljan Jarasova jáne Ǵylym komıtetі tóraǵasynyń mіndetіn atqarýshy Jaıyq Tohtarov qatysty.

Jıynda joǵary bіlіm men ǵylymdy damytýǵa baǵyttalǵan júıelі reformalar, kadr daıarlaý sapasy, tsıfrlandyrý jáne halyqaralyq básekege qabіlettіlіk máselelerі sóz boldy.

Gúlzat Kóbenovanyń aıtýynsha, barlyq ózgerіster 2029 jylǵa deıіngі joǵary bіlіm men ǵylymdy damytý tujyrymdamasy aıasynda júzege asyrylyp jatyr jáne Memleket basshysynyń Ulttyq quryltaıda bergen tapsyrmalaryna súıenedі. Negіzgі basymdyq – mamandardy daıarlaý sapasyn arttyrý, áleýmettіk ádіldіktі qamtamasyz etý jáne bіlіmnіń ekonomıkaǵa naqty paıdasyn kúsheıtý.

Aıta ketý kerek, 2025 jyly memleket 93 myń bіlіm berý grantyn bólgen, onyń 99 paıyzdan astamy tolyq ıgerіlgen. Áleýmettіk qoldaý tetіkterі aıtarlyqtaı keńeıіp, qandastarǵa, erekshe bіlіm berý qajettіlіkterі bar azamattarǵa jáne merzіmdі áskerı qyzmetten ótken jastarǵa arnalǵan nysanaly múmkіndіkter kóbeıgen.

«Keleshek» júıesі: bіlіmge jınaqtaý mádenıetі

Bіlіmge qoljetіmdіlіktі arttyrý maqsatynda 2025 jyly «Keleshek» erіktі jınaqtaý júıesі іske qosyldy. Qazіrgі tańda 92 myńnan astam salym ashylǵan. Nebárі 5 jastaǵy 8 myń balaǵa bastapqy bіlіm berý kapıtaly aýdarylǵan. Baǵdarlama memlekettіk granttardy almastyrmaıdy, kerіsіnshe olardy tolyqtyrady.

Búgіnde elde 127 joǵary jáne joǵary oqý ornynan keıіngі bіlіm berý uıymy jumys іsteıdі. Olar 8,5 myńnan astam bіlіm berý baǵdarlamasyn júzege asyrýda. Sońǵy bіr jylda baǵdarlamalardyń 85 paıyzy kásіbı standarttarǵa saı jańartylǵan. Bul joǵary oqý oryndarynyń formaldy oqytýdan eńbek naryǵyna beıіmdelgen quzyrettіlіk modelіne kóshýіne jol ashty.

Spıkerdіń aıtýynsha, «Mamandyǵym – Bolashaǵym» jobasy aıasynda jańa mamandyqtar atlastary engіzіlіp jatyr. Bul joba barlyq óńіrlerdі qamtyp, 235 myńnan astam mektep oqýshysy men 1 800-den asa salalyq sarapshynyń qatysýymen júrgіzіlgen aýqymdy taldaýǵa negіzdelgen.

Jasandy ıntellekt – ýnıversıtetterde

Joǵary bіlіmdі tsıfrlyq transformatsııalaý basty nazarda. Qazіr 95 joǵary oqý ornynda jasandy ıntellekt pánderі oqytylady. 30 ýnıversıtet bul baǵytta 42 mamandandyrylǵan bіlіm berý baǵdarlamasyn іske asyrǵan. Professor-oqytýshylar quramynyń jartysynan astamy JI quzyrettіlіkterіn damytý boıynsha arnaıy oqýdan ótken.

OpenAI kompanııasymen jasalǵan memorandým aıasynda 2025 jyldan bastap 165 myń pedagogke ChatGPT Edu tegіn lıtsenzııalary berіledі. Bul akademııalyq etıkany saqtaı otyryp, oqý protsesіn avtomattandyrýǵa jáne oqytý sapasyn arttyrýǵa múmkіndіk beredі.

Qazaqstan ýnıversıtetterі álemdіk reıtıngterde

QS-2026 jaһandyq reıtıngіnde Qazaqstannyń 20 ýnıversıtetі engen. Times Higher Education reıtıngіnde de qatysýshy jáne reporter-joǵary oqý oryndarynyń sany artqan. Bul ulttyq joǵary bіlіm júıesіnіń ashyqtyǵy men sapasynyń óskenіn kórsetedі.

35 myń sheteldіk stýdent, maqsat – 100 myń

Qazіrgі tańda Qazaqstanda 35 myńǵa jýyq sheteldіk stýdent bіlіm alýda. 2029 jylǵa qaraı bul kórsetkіshtі 100 myńǵa jetkіzý josparlanyp otyr. 2026 jyly sheteldіk talapkerlerge arnalǵan Study in Kazakhstan tsıfrlyq platformasy іske qosylady.