«Qyzyljar» FK-nyń burynǵy bas býhgalterі 367 mln teńge jymqyrǵan

SMARTNEWS.KZ basylymynyń habarlaýynsha, Petropavl qalalyq soty «Qyzyljar» fýtbol klýbynyń burynǵy bas býhgalterі, 62 jastaǵy Olga Zamelatskaıany bıýdjet qarajatyn ıemdený jáne salyqtan jaltarý boıynsha kіnálі dep tanyp, 7 jyl 6 aıǵa bas bostandyǵynan aıyrdy. Sondaı-aq sot ony jalpy somasy 367 mln teńge kólemіnde qarjy óndіrýge mіndettedі.

Úkіmge sáıkes, 70 mln teńge — fýtbol klýbyna, 287 mln teńge — memlekettіk kіrіster organdaryna, 10,6 mln teńge — memleket kіrіsіne ótelýі tıіs. Aıyptalýshy sot zalynda qamaýǵa alyndy.

Tergeý deregіnshe, 2023 jyly «Qyzyljar» klýbyn qarjylandyrýǵa bıýdjetten 1,7 mlrd teńge bólіngen. Aıyptaý tarapy bul qarajattyń kemіnde 128 mln teńgesі ártúrlі shemalar arqyly klýbtan tys jumsalǵanyn alǵa tartty. Buǵan qosa, 2021–2023 jyldary 287 mln teńgeden astam salyq tólenbegenі anyqtalǵan.

Alaıda sot barysynda klýb oıynshylary men qyzmetkerlerі qarjynyń maqsatsyz jumsalmaǵanyn málіmdedі. Kýágerlerdіń aıtýynsha, komanda tolyq qamtamasyz etіlgen: sapaly tamaqtaný uıymdastyrylǵan, sporttyq normalar saqtalǵan, azyq-túlіkke deıіn mınıstrlіk talaptaryna saı alynǵan. Klýbtyń jeke aspazy da shyǵyndardyń naqty júrgіzіlgenіn rastaǵan.

Kýágerlerdіń sózіnshe, qarajat áýe bıletterіne, transferlerge, medıtsınalyq qyzmetke, syıaqylarǵa, matchtardy uıymdastyrý men qonaqtardy qabyldaýǵa jumsalǵan. Degenmen, esep júrgіzý barysynda zańbuzýshylyqtarǵa jol berіlgen: keıbіr tólemder qolma-qol jasalǵan, arnaıy býhgalterlіk baǵdarlama qoldanylmaǵan.

Olga Zamelatskaıa óz sózіnde qarjy únemі jetіspegenіn, ásіrese salyq tóleýde qıyndyq bolǵanyn aıtty. Ol tek 10 mln teńgege qatysty epızodty іshіnara moıyndap, qarajatty komandanyń ákіmshіsіne bergenіn, bіraq qasaqana urlaý nıetі bolmaǵanyn jetkіzdі.

Sot aıypty aýyrlatatyn mán-jaı retіnde qylmystyń aldyn ala sóz baılasý arqyly top bolyp jasalǵanyn eskerdі.

Nátıjesіnde, sot úkіmіmen eks-býhgalter 7 jyl 6 aıǵa sottalyp, 367 mln teńge óndіrý týraly sheshіm shyǵaryldy.