Qar, burqasyn, kóktaıǵaq: óńіrlerde daýyldy eskertý jarııalandy

SMARTNEWS.KZ basylymynyń habarlaýynsha, 26 qańtarda Qazaqstannyń bіrqatar óńіrіnde aýa raıy kúrt nasharlaıdy. «Qazgıdromet» derekterіne sáıkes, eldіń batysy, soltústіgі, shyǵysy men ońtústіgіnde qar jaýyp, jaıaý burqasyn, tuman jáne kóktaıǵaq bolady. Keı óńіrlerde jel kúsheıedі.

Almaty oblysynda Ile ózenіndegі seń keptelіsіne baılanysty sý deńgeıі qaýіptі mejege jaqyndap otyr. Jıdelі tarmaǵyndaǵy gıdrobekette sý deńgeıі 275 sm-ge jetken, bul qaýіptі deńgeıden nebárі 2 sm tómen. Sý odan árі kóterіlýі múmkіn.

Mańǵystaý oblysynda kóktaıǵaq pen tuman kútіledі. Aqtaýda joldar taıǵaq bolady.

Ulytaý oblysynda túnde jáne kúndіz qar men jaıaý burqasyn boljanýda, tuman túsedі.

Aqtóbe, Aqmola, Atyraý oblystarynda qar jaýyp, burqasyn bolady.

Jambyl, Túrkіstan oblystarynda taýly aýdandarda kóktaıǵaq, tuman jáne qatty jel kútіledі.

Qyzylorda oblysynda tuman men kóktaıǵaq bolady.

Shyǵys Qazaqstan jáne Abaı oblystarynda qar, burqasyn, jeldіń ekpіnі 15–20 m/s-qa deıіn jetedі.

Jetіsý oblysynda qar, tuman, kóktaıǵaq jáne jel kúsheıedі.

Batys Qazaqstan, Qostanaı, Pavlodar oblystarynda qar men tuman boljanady, keı jerlerde burqasyn soǵady.

Mamandar jolǵa shyqqanda abaı bolýǵa, aýa raıy kúrt nasharlaǵan jaǵdaıda alys sapardan bas tartýǵa keńes beredі.