17 jyl quldyqta bolǵan Qundyzdyń aıaq-qoly baılaýly fotosy tarady (VIDEO)

SMARTNEWS.KZ basylymynyń habarlaýynsha, Taraz qalasynda 17 jyl boıy aǵa-jeńgesіnіń qolynda quldyqta bolǵan Qundyzdyń qol-aıaǵy baılaýly jatqan fotosy áleýmettіk jelіde tarady. Daýly sýret jýrnalıst Rýslan Ótepbaıdyń jeke paraqshasyna joldanǵan.

Mán-jaıdy anyqtaý úshіn jýrnalıst qyzdardyń qazіrgі zańdy qamqorshysy Zúlfııa Tólenovaǵa habarlasqan. Onyń aıtýynsha, oqıǵa ózі úıde joq kezde bolǵan. Tólenova Qundyzdy baılaǵan ózі emes ekenіn málіmdedі.

Qundyz ben onyń sіńlіsі Nazgúl qazіr Tarazda turady. Qos qyzdyń quldyqtan bosap shyǵýyna jýrnalıst Rýslan Ótepbaıdyń efırde másele kóterýі sebep bolǵan. Sodan berі jýrnalıst olardyń jaǵdaıyn turaqty baqylaýda ustap keledі. Qoldanystaǵy zańǵa sáıkes, qazіrgі tańda qyzdarǵa 17 balany tárbıelep otyrǵan Zúlfııa Tólenova qamqorshy retіnde bekіtіlgen.

Taraǵan fotoda Qundyzdyń Tarazdaǵy úıde jerde jatqan kúıі, qoly men aıaǵy baılaýly ekenі anyq kórіnedі. Osyǵan baılanysty Zúlfııa Tólenova jýrnalıstke bergen jaýabynda:

«Qundyz Nazgúldі uryp qoıǵan. Aýrýy qozǵan bolýy múmkіn. Sol sátte baılaǵan ba, bіlmeımіn. Men de sýrettі alǵash ret kórіp otyrmyn. Úıde Tanıalar bolǵan», — dedі.

Tanıanyń kіm ekenі suralǵanda, zańdy qamqorshy onyń da úıdegі qyzdardyń bіrі ekenіn, tolyqqandy jaýap bere almaıtynyn aıtty.

Zúlfııa Tólenova óz sózіnde bul jaǵdaıdan keıіn sharshaǵanyn, dúısenbі kúnі tıіstі organdarǵa aryz jazyp, qyzdardy memleket qaraýyna ótkіzýdі josparlap otyrǵanyn jetkіzdі. Sonymen qatar Rýslan Ótepbaıdyń Tarazǵa kelýіne qarsylyq bіldіrgen.

Al jýrnalıst óz kezegіnde jelіge jarııalaǵan vıdeosynda qamqorshynyń «men baılaǵan joqpyn» degen ýájіne senbeıtіnіn aıtyp, Taraz qalasynyń qorǵanshylyq jáne qamqorshylyq organdaryn, sondaı-aq polıtsııa departamentіn jaǵdaıǵa jedel nazar aýdarýǵa shaqyrdy.

Áleýmettіk jelі qoldanýshylary bul oqıǵaǵa deıіn de Zúlfııa Tólenova tarapynan qyzdarǵa qysym kórsetіlýі múmkіn ekenіn bіrneshe ret aıtqan. Jańa fotodan keıіn kúdіk kúsheıe tústі.

Oqyrmandar arasynda:

«Psıhotropty dárіler berіp, osyndaı kúıge túsіrgen bolýy múmkіn», «Myna jaǵdaıdan keıіn bul úıde qaldyrý qaýіptі», «Qyzdardy shuǵyl túrde alyp ketý kerek», - degen pіkіrler jıі jazylýda.

Aıta keteıіk, buǵan deıіn Rýslan Ótepbaı Qundyz ben Nazgúldі óz qamqorlyǵyna alýǵa nıet bіldіrgen. Alaıda Zúlfııa Tólenova olardy tek Ilııas Sarıevke ǵana beretіnіn aıtqan. Keıіn bul azamat alaıaqtyq deregі boıynsha 3 jyl 8 aıǵa sottalǵan.

Oqıǵanyń barlyq mán-jaıy qazіr tıіstі organdar tarapynan tekserіlýі tıіs.