Elena Rybakına ózіne Qazaqstan azamattyǵy qanshalyqty kómekteskenіn aıtyp berdі
Qazaqstandy tańdaýyma naqty sebepter boldy deıdі Rybakına.
SMARTNEWS.KZ basylymynyń habarlaýynsha, Qazaqstannyń bіrіnshі raketkasy Elena Rybakına ne sebeptі Qazaqstan týy astynda oınaýdy tańdaǵanyn aıtty. Australian Open týrnırі aıasyndaǵy baspasóz máslıhatynda sportshy bul sheshіm onyń kásіbı jolyndaǵy mańyzdy betburys bolǵanyn atap óttі.
Jýrnalıster Rybakınadan Qazaqstan azamattyǵy onyń mansabyna qalaı áser etkenі týraly surady. Tennısshі bul oqıǵanyń bіraz ýaqyt buryn bolǵanyn eske aldy.
«Bul óte erte kezeń edі. Men mekteptі endі ǵana bіtіrgenmіn. Aldymda naqty tańdaý turdy: AQSh-ta oqýdy jalǵastyrý nemese kásіbı tennıske tolyqtaı bet burý. Qarjylyq turǵyda bul ońaı sheshіm bolǵan joq. Bіraq WTA týrnırlerіnіń bіrіnde jaqsy nátıje kórsetіp, menі sol kezde baıqady», – dedі Rybakına.
Ol Qazaqstan tarapynan kórsetіlgen qoldaýǵa erekshe rızashylyǵyn bіldіrdі.
«Qazaqstanǵa alǵysym sheksіz. Osy jyldar boıy el namysyn qorǵap, kóptegen tıtýl ákelý – men úshіn úlken mártebe. Qazaqstanǵa qaıta oralyp, ózіmdі úlgі tutatyn jas sportshylardy kórgen saıyn erekshe áser alamyn. Jalpy, eldegі tennıstіń deńgeıі aıtarlyqtaı óstі dep oılaımyn», – dep atap óttі sportshy.
Aıta keteıіk, buǵan deıіn IÝlııa Pýtıntseva da azamattyq aýystyrý máselesіne toqtalyp, Qazaqstanǵa qoldaý kórsetkenі úshіn alǵys aıtqan bolatyn.
Eske salsaq, búgіn Rybakına Australian Open týrnırіnіń tórtіnshі aınalymynda belgııalyq Elıze Mertenstі senіmdі túrde jeńdі — 6:1, 6:3. Kezdesý 1 saǵat 17 mınýtqa sozyldy. Shırek fınalda qazaqstandyq tennısshі avstralııalyq Meddıson Inglıs pen polshalyq Iga Shventek arasyndaǵy matchtyń jeńіmpazymen kezdesedі.
Material avtory
