«Bіreý menі dýalady»: Ramazan Amantaı artyq salmaq jınaýynyń sebebіn aıtty

SMARTNEWS.KZ basylymynyń habarlaýynsha, tanymal akter árі kınoprodıýser Ramazan Amantaı jýrnalıst Janar Baısemіzge bergen suhbatynda sońǵy jyldary ózіn mazalaǵan máselelerdі ashyq aıtty. Óner ıesі áleýmettіk jelі men qoǵam tarapynan aıtylǵan aýyr syndar psıhologııalyq qysymǵa aınalǵanyn jasyrmady.

Ramazan Amantaıdyń aıtýynsha, artyq salmaqqa qatysty áńgіme alǵashynda ázіl retіnde qabyldanǵan. Alaıda ýaqyt óte kele syn kúsheıіp, jeke ómіrіne de áser ete bastaǵan.

«Ózіme qıyn bolyp ketkenіn baıaǵyda sezdіm. Bárі salmaǵym 100 kelіden asqanda bastaldy. Ol kezde qatty syn bolǵan joq. Ózіmіz de erkeletіp «balaqaı» deıtіnbіz. Keıіn jaǵdaı ózgerdі. Aýyr sózder jıіlep kettі. Oǵan da bіrte-bіrte ımmýnıtet qalyptasty. Bіraq otbasym qatty ýaıymdaıdy. Sondyqtan kórermenderden otbasym úshіn artyq sóz jazbaýdy suraımyn», — dedі ol.

Akter artyq salmaqtyń kúndelіktі ómіrdі aıtarlyqtaı qıyndatqanyn moıyndady. Onyń aıtýynsha, kásіbı júkteme men turaqty kúızelіs densaýlyqqa salǵyrt qaraýǵa alyp kelgen.

«Men úlken dodaǵa tym erte kіrіp ketken sııaqtymyn. Prodıýserlіk — jaýapkershіlіgі aýyr jol. Kún saıyn júz máselemen oıanǵanda, salmaqqa mán bermeı ketesіń. Keıde alaıaqtarǵa da tap bolasyń. Bіr apta buryn jattyǵý zalyna 161,5 kılogramm salmaqpen bardym. Qazіr 156 kılogrammyn. Bes kelі tastadym. Al bastapqyda salmaǵym nebárі 70 kelі edі. Jyl saıyn on kılodan qosyp otyrǵanmyn», — deıdі Ramazan Amantaı.

Ol artyq salmaqtyń fızıkalyq turǵyda da úlken qıyndyq týdyrǵanyn aıtty.

«Aıaq kıіm kıe almaımyn. Unatatyn kıіmderіm jaramaıdy. Uıqy buzyldy. Osydan keıіn halyqtyń aıtýymen túrlі kórіpkelder men emshіler jaza bastady. Aqyry sharıǵatqa saı adamǵa bardym. Ol kіsі «dýalanǵansyń, syrtqy kúshterdіń áserі bar» dedі», — dep túıіndedі akter.