Elena Rybakına mańyzdy dodanyń jartylaı fınalyna shyqty
Rybakına álemnіń ekіnshі raketkasyn jeńіp, úzdіk tórttіkke óttі.
SMARTNEWS.KZ basylymynyń habarlaýynsha, otandyq tennısshі Elena Rybakına Australian Open–2026 týrnırіnіń jartylaı fınalyna joldama aldy. Álemdіk doda bul kúnderі Avstralııanyń Melbýrn qalasynda ótіp jatyr.
Týrnırdіń shırek fınalynda Qazaqstan áıelder quramasynyń kóshbasshysy Polshanyń ókіlі, álemnіń ekіnshі raketkasy Iga Shventektі senіmdі túrde jeńdі. Kezdesý ekі sette aıaqtalyp, Rybakına 7:5, 6:1 esebіmen basym tústі.
Bul nátıje qazaqstandyq sportshynyń týrnırdegі eń іrі jeńіsterіnіń bіrі sanalady. Rybakına match barysynda bastamany óz qolynda ustap, sheshýshі sátterde qarsylasyna múmkіndіk bergen joq.
Jartylaı fınalda Elena Rybakına amerıkalyq tennısshіler — Djessıka Pegýla men Amanda Anısımova arasyndaǵy kezdesýdіń jeńіmpazymen kortqa shyǵady.
Australian Open — «Úlken dýlyǵa» sanatyndaǵy tórt іrі týrnırdіń bіrі. Rybakınanyń bul kezeńge shyǵýy Qazaqstan tennısі tarıhyndaǵy mańyzdy jetіstіkterdіń qataryn tolyqtyrdy.
Material avtory
