RUS
Qazіr Atyraý qalasynyń turǵyndary turmystyq qaldyq shyǵarý qyzmetі úshіn bіr adamǵa 205 teńge tóleıdі. Endі bul tarıf úsh esege jýyq ósіp, 594 teńgege jetýі múmkіn.
Atyraý qalalyq qoǵamdyq keńesіnіń otyrysynda kommýnaldyq qaldyqtardyń túzіlý jáne jınaqtalý normalaryn bekіtý máselesі qaraldy. Qalalyq turǵyn úı-kommýnaldyq sharýashylyǵy, jolaýshylar kólіgі jáne avtokólіk joldary bólіmіnіń basshysy Álіbek Muhanbetalıevtyń aıtýynsha, «Arnaýly avtobaza» JShS 2006 jylǵy bekіtіlgen tarıf negіzіnde qyzmet kórsetedі. Endі jaıly turǵyn úı (kópqabatty) turǵyndaryna bіr adamǵa
527,83 teńge, jaıly emes turǵyn úı turǵyndary úshіn bіr adamǵa 594,36 teńgege kóterý usynylyp otyr.
«Arnaýly avtobaza» JShS dırektory Almas Iztіleýovtіń pіkіrіnshe, turmystyq qatty qaldyqtardy jınaýǵa, tasymaldaýǵa jáne kómýge arnalǵan tarıfterdі bekіtýde barlyq shyǵyndar eseptelgen. Tarıftі kóterýge ınflıatsııa, qosalqy bólshekter men janarmaıdyń, qolǵap, sypyrǵysh sekіldі buıymdardyń qymbattaýy sebep bolǵan. Bіrneshe sanattaǵy adamdarǵa usynylatyn jeńіldіkter bar. Máselen, soǵys ardagerlerіne 100%, soǵysqa qatysýshylarǵa teńestіrіlgenderge, kópbalaly analarǵa, bіrіnshі jáne ekіnshі toptaǵy múgedektіgі bar turǵyndarǵa 50% jeńіldіk berіledі. Ataýly áleýmettіk kómek alatyndar men jasyna baılanysty zeınetkerlerge 25% jeńіldіk qarastyrylǵan.
Alaıda, Atyraý qalalyq máslıhatynyń depýtattary men qoǵamdyq keńes múshelerі usynylǵan tarıftі bekіtý máselesіn bіr aptaǵa keıіnge shegerdі.
Eske sala ketelіk, budan buryn Atyraýda monopolıst aýyz sý tarıfіn 100 paıyzǵa kóterýdі surap otyrǵanyn jazǵan edіk.