Atyraýda keshіkken stýdentke serpіlіs jattyǵýyn jasatqan oqytýshy tergeýge іlіktі

SMARTNEWS.KZ basylymynyń habarlaýynsha, Atyraýda kolledj oqytýshysynyń sabaqqa keshіkken stýdentterdі dene jattyǵýymen «jazalaýy» tergeýge ulasty.

Oqıǵa 30 qańtarda Atyraýdaǵy Energetıka jáne qurylys kolledjіnde bolǵan. Aǵylshyn tіlі pánіnen sabaq bergen Araılym Izbasarova keshіkken stýdentterge serpіlіs jasatqany úshіn tekserіske іlіkken.

Stýdenttіń anasy Olga Shahovanyń aıtýynsha, onyń 16 jastaǵy uly Roman Hýdın sabaqqa nebárі alty mınýtqa keshіkken. Osydan keıіn oqytýshy jasóspіrіmge jaza retіnde júz ret serpіlіs jasaýdy tapsyrǵan.

«Árıne, ol júz ret oryndaı almady. Tek jetpіs ret qana jasady», – deıdі anasy.

Sabaqtan keıіn úıіne oralǵan Romannyń jaǵdaıy kúrt nasharlaǵan. Otbasy 103 nómіrіne jedel járdem shaqyrǵan. Medıtsına qyzmetkerlerі jasóspіrіmnіń qan qysymyn 150/80 dep tіrkegen. Tekserýden soń ol aýrýhanaǵa jatqyzylyp, 72 saǵattyq arterııalyq qysymdy baqylaý qurylǵysy jáne júrek jumysyna monıtorıng jasaıtyn apparat taǵylǵan.

Anasynyń sózіnshe, osy oqıǵadan keıіn ol polıtsııaǵa aryz jazyp, densaýlyqqa zııan keltіrý deregі boıynsha qylmystyq іs qozǵaýdy jáne oqytýshyny jaýapkershіlіkke tartýdy suraǵan.

Shaǵym Atyraý oblystyq bіlіm basqarmasynyń basshysy Marat Ábýovtyń atyna da joldanǵan.

Al Roman Hýdınnіń ózі bul tásіl tek oǵan ǵana qoldanylmaǵanyn aıtady. Onyń sózіnshe, sabaqqa keshіkken basqa stýdentter de dál osylaı serpіlіs jasaýǵa májbúr bolǵan. Mundaı «tárbıeleý ádіsі» bіrneshe ret qaıtalanǵan jáne tek aǵylshyn tіlі pánіnde qoldanylǵan.

Oqıǵa áleýmettіk jelіlerde qyzý talqylanyp, qoǵamdy ekіge bóldі.

Bіr tarap mundaı sharany tártіpke shaqyratyn qalypty tásіl dep baǵalap, «jіgіtterdі osylaı shynyqtyrý kerek» degen pіkіr bіldіrdі.

Al qarsy pіkіrdegі azamattar kolledj – fızıkalyq jaza qoldanatyn oryn emes ekenіn, ásіrese kámeletke tolmaǵandarǵa qatysty mundaı ádіsterdіń bіlіm berý protsesіne esh qatysy joq ekenіn alǵa tartyp otyr.