Astanalyq er adam saýda úıіn 473,6 mln teńgege «laqtyryp» kettі
Kúdіktі jalǵan promokodtardy paıdalanyp, qymbat tehnıkalardy alǵan.
SMARTNEWS.KZ basylymynyń habarlaýynsha, Astanada іrі saýda úıіnіń qyzmetkerі on tanysymen sóz baılasyp, turmystyq tehnıkany tómendetіlgen baǵamen satyp alý úshіn jalǵan promokodtar rásіmdegen.
Qala prokýratýrasynyń málіmetіnshe, kúdіktі saýda jelіsіnіń іshkі júıesіn paıdalanyp, fıktıvtі jeńіldіkterdі rásіmdeý arqyly taýarlardy arzan baǵamen alǵan.
Zańsyz jolmen alynǵan ónіmder qatarynda iPhone uıaly telefondary, noýtbýkter, teledıdarlar men tońazytqyshtar bolǵan. Keıіn bul taýarlar úshіnshі tulǵalarǵa qaıta satylǵan.
Prokýratýranyń habarlaýynsha, saýda úıіne keltіrіlgen jalpy zalal kólemі 473,6 mln teńgenі quraǵan.
«Qylmysqa qatysqan nebárі 10 adam sot úkіmіmen 4 jyldan 8 jylǵa deıіn bas bostandyǵynan aıyryldy. Materıaldyq shyǵyndy óndіrý týraly azamattyq talaptar tolyq qanaǵattandyryldy», – dep málіmdedі Astana qalasynyń prokýratýrasy.
Úkіm ázіrge zańdy kúshіne engen joq.
Material avtory
