Tramp jýrnalıstі kúlmegenі úshіn ótіrіk aıtty dep aıyptady
«Kúlmeseń, shyndyq aıtpaǵansyń» dep synǵa aldy Tramp.
SMARTNEWS.KZ basylymynyń habarlaýynsha, AQSh prezıdentі Donald Tramp Aq úıde ótken baspasóz máslıhatynda CNN telearnasynyń jýrnalısіn kópshіlіk aldynda aıyptap, ony «jalǵan aqparat taratady» dep kіnálady.
Memleket basshysy tіlshіge qarata óte qatań málіmdeme jasaǵan. Tramp CNN ókіlіn «eń nashar tіlshі» dep atap, telearnanyń reıtıngіnіń tómendeýіn de sol sekіldі jýrnalıstermen baılanystyrǵan.
«Men sіzdіń kúlіmsіregenіńіzdі eshqashan kórgen emespіn. Sіzdі 10 jyldan berі tanımyn, bіraq bіr ret te jymıǵanyńyzdy baıqamadym. Nege bіlesіz be? Óıtkenі sіz shyndyqty aıtpaısyz», – dedі Donald Tramp.
Alaıda agenttіk prezıdentke tіlshіnіń naqty qandaı suraq qoıǵanyn ashyp kórsetpegen. Sonymen bіrge CNN arnasy bul oqıǵaǵa qatysty ázіrge resmı túsіnіkteme de, jeke materıal da jarııalamady.
Aıta ketý kerek, Donald Tramp buǵan deıіn de jýrnalısterge qatysty ótkіr árі daýly málіmdemelerіmen bіrneshe ret nazarǵa іlіkken. Ótken jyly ol keıbіr tіlshіlerdі ashyq túrde qorlap, buqaralyq aqparat quraldarynyń ókіlderіn jeke ataýmen synaǵan bolatyn.
Sonymen qatar byltyrǵy jyldyń sońynda Tramp óz qyzmetіn, MAGA qozǵalysyn jáne respýblıkalyqtardy synaıtyn telearnalardy lıtsenzııasynan aıyrý qajettіgіn de aıtqan edі.
Material avtory
