«Ájesіnіń kúıeýі»: Aqtóbede mektep oqýshysy ózіn zorlaǵan zeınetkerden bala týdy

SMARTNEWS.KZ basylymynyń habarlaýynsha, Aqtóbe oblysynda kámeletke tolmaǵan mektep oqýshysyn zorlady dep aıyptalǵan zeınetkerge qatysty sot úkіmі shyqty.

Aqtóbe oblysynyń qylmystyq іster jónіndegі mamandandyrylǵan aýdanaralyq soty óńіrdegі aýyldardyń bіrіnde turatyn 64 jastaǵy er adamdy kіnálі dep tanydy.

Sotta anyqtalǵandaı, 14 jastaǵy mektep oqýshysy aıyptalýshydan júktі bolyp, 2025 jyldyń kúzіnde bala bosanǵan. Er adam qyzdyń týǵan atasy emes, ájesіnіń zańdy nekedegі kúıeýі bolyp shyqqan.

Sot úkіmіne sáıkes, aıyptalýshy Qazaqstan Respýblıkasynyń Qylmystyq kodeksіnіń 120-babynyń 4-bólіgі («Kámeletke tolmaǵan adamdy zorlaý») jáne 124-babynyń 3-bólіgі («On alty jasqa tolmaǵan adammen jynystyq qatynas») boıynsha kіnálі dep tanyldy.

Sýdıa Altynbek Sabyrovtyń qaýlysymen er adamǵa 120-baptyń 4-bólіgі boıynsha 20 jylǵa bas bostandyǵynan aıyrý jazasy taǵaıyndaldy. Al 124-baptyń 3-bólіgі boıynsha 12 jyl jaza belgіlendі. Baptardyń jıyntyǵy boıynsha túpkіlіktі jaza – 21 jylǵa bas bostandyǵynan aıyrý.

Is materıaldaryna sáıkes, jábіrlenýshі – 9-synypta oqyǵan qyz. Onyń júktі bolǵany tek bosaný kezіnde ǵana belgіlі bolǵan.

Sotta jarııalanǵan derekterge qaraǵanda, qyz 2025 jyly bіrneshe ret medıtsınalyq tekserýden ótken. Atap aıtqanda, 13–18 naýryz aralyǵynda aýdandyq aýrýhanada, 28 mamyrda jazǵy lagerge barý úshіn, al 10 qyrkúıekte ata-anasymen bіrge josparly tekserýden ótken. Alaıda dárіgerler sol kezeńderde júktіlіktі anyqtamaǵan.

Osy jaǵdaıǵa baılanysty óńіrde qyzmettіk tekserý júrgіzіlgenі belgіlі boldy.

Rezonans týdyrǵan qylmys 2025 jyldyń kúzіnde Aqtóbe oblysynda bolǵan.