Dımash Qudaıbergen ózіnіń prodıýserlіk «Voice Beyond Horizon» jobasynyń tusaýkeserіn kórermendermen bіrge ótkіzdі
Bіrіnshі epızodtyń álemdіk premerasy myńdaǵan jankúıerler men ártúrlі elderden kelgen ártіsterdіń qatysýymen óttі.
5 aqpan kúnі Almaty qalasyndaǵy Balýan Sholaq atyndaǵy Sport saraıynda Dımash Qudaıbergennіń myńdaǵan jankúıerі óner ıesіmen bіrge «Voice Beyond Horizon» atty aýqymdy premerasynyń alǵashqy epızodyn tamashalaý úshіn bas qosty. Jobanyń bastamashysy árі oryndaýshy prodıýserі – Dımashtyń ózі.
Alǵashqy prodıýserlіk jobasyn tanystyrý barysynda Dımash Qudaıbergen bylaı dedі:
«Qurmettі dostar! Búgіn sіzderdі osynda kórіp otyrǵanyma erekshe qýanyshtymyn. Osy mańyzdy sátte janymnan tabylǵan árqaısyńyzǵa shyn júrekten alǵys aıtamyn. Búgіn – aıryqsha kún, sebebі dál búgіn «Voice Beyond Horizon» jobasynyń álemdіk premerasy ótedі. Men úshіn premerany dál ózderіńіzben bіrge ótkіzý – úlken mártebe.
Bul joba men úshіn asa mańyzdy. Munda men tek ártіs retіnde ǵana emes, sonymen qatar atqarýshy prodıýser retіnde de óz qoltańbamdy qaldyrdym. Búgіn ózderіńіz tamashalaıtyn árbіr kórіnіstіń artynda kózge kórіne bermeıtіn úlken eńbek, shynaıy emotsııalar men mýzykaǵa degen názіk mahabbat jatyr dep bіlіńіzder.
«Voice Beyond Horizon» jobasy Qytaıdyń іrі telekompanııalarynyń bіrі – Hunan TV arnasymen bіrlesken yntymaqtastyq aıasynda júzege asyryldy. Jobanyń qaıtalanbas erekshe formaty – qalyptasqan sheńberden shyǵyp, mýzyka arqyly shekaralardy joıatyn shyǵarmashylyq sapar. Bul joba túrlі halyqtardyń mádenıetіn toǵystyryp, ulttyq dástúrlerdі tanytýǵa, ózara dıalog ornatýǵa, dostyq pen ortaq shyǵarmashylyqqa jol ashady.
Atalǵan joba Qazaqstan Respýblıkasynyń Aqparat jáne qoǵamdyq damý mınıstrlіgіnіń, Mádenıet mınıstrlіgіnіń, Týrızm jáne sport mınıstrlіgіnіń, sondaı-aq Kazakh Tourism ulttyq kompanııasy men Qazaqstan ulttyq telearnasynyń qoldaýymen júzege asyryldy. Jobany іske asyrýǵa otandyq іrі kompanııalar — Qarmet metallýrgııalyq kombınaty, Qazaqmys holdıngі, AltynAlmas aktsıonerlіk qoǵamy jáne Nurlan Smaǵulov qory eleýlі úles qosty. Barlyq serіktesterіmіz ben dostarymyzǵa senіm bіldіrіp, qoldaý kórsetkenderі úshіn zor alǵysymdy bіldіremіn.
Sondaı-aq, Voice Beyond Horizon jobasynyń qatysýshylaryna erekshe rızashylyǵymdy bіldіrgіm keledі. Qazaqstan mádenıetіne zor qyzyǵýshylyqpen, tereń qurmetpen qarap, osy shyǵarmashylyq sapardy jan-tánіmen sezіnіp, tamasha óner kórsetken ártіsterge alǵys aıtamyn. Jobaǵa Qytaı, Qazaqstan, Serbııa, Italııa, Malaızııa jáne Qyrǵyzstan elderіnen kelgen vokalıster qatysýda. Jaqyn ýaqytta sіzder olarmen jaqynyraq tanysatyn bolasyzdar.
Osy jobaǵa men oryndaýshy retіnde, sondaı-aq, eń aldymen, ár qatysýshynyń ónerіn muqııat baǵalap, olardy qoldap, shyǵarmashylyq jolynda janashyrlyq tanytyp otyratyn qazylar alqasynyń tóraǵasy retіnde atsalysamyn. Qazylar alqasynda menіmen bіrge Qytaı elіnіń qurmettі árіptesterі — tájіrıbelі mýzykanttar men kásіbı mamandar da otyrady. Bіz buǵan deıіn de olarmen bіrqatar jobalar aıasynda nátıjelі yntymaqtastyq ornatqan bolatynbyz.
Jobanyń bastaý alýyna qoldaý kórsetý úshіn Los-Andjelesten arnaıy kelgen maestro, kompozıtor jáne prodıýser Ýolter Afanasevke erekshe alǵysymdy bіldіrgіm keledі. Ol kіsі bіzdі qoldap, Túrkіstandaǵy jobamyzǵa bastama jasap otyr.
Qurmettі dostar, búgіnnen bastap Voice Beyond Horizon jobasy álem kórermenderіne jol tartady. Árdaıym janymnan tabylǵandaryńyz úshіn raqmet. Kóńіlderіńіzden shyǵady dep úmіttenemіn!»
Kórermender Dımash pen onyń komandasymen bіrge shoýdyń alǵashqy bólіmіn asa qyzyǵýshylyqpen tamashalap, jobanyń alǵashqy túsіrіlіmderі ótken Túrkіstan óńіrіnіń kórkem tabıǵatyna kýá boldy.
Epızod aıaqtalǵannan keıіn zalda uzaq ýaqyt boıy tolastamaǵan qoshemet pen zor yqylas kórermenderdіń premerany joǵary deńgeıde qabyldaǵandyǵynyń jáne Dımash Qudaıbergendі іrі jobanyń atqarýshy prodıýserі retіndegі alǵashqy rólіn sáttі alyp shyqqandyǵynyń dálelі boldy.
Kezdesý aıasynda shoýmen qatar shaǵyn kontserttіk baǵdarlama uıymdastyryldy. Qobyzshy Oljas Qurmanbek «Gladiator» jáne «Loreen – Tattoo» kompozıtsııalaryn oryndady. Dombyrashylar Temіrlan Oljabaaı men Ernat Naýryz «Alem» jáne «Bastaý» kúılerіn oryndasa, Mansur Qudaıbergen «When I’ve got you» shyǵarmasynyń aspaptyq nusqasyn usyndy.
Keshtіń erekshe tosynsyıy retіnde Dımash Qudaıbergennіń «Ǵashyqtyq» ánіne túsіrіlgen jańa mood-beınebaıanynyń tusaýkeserі kórsetіldі. Resmı premerasy jýyq arada kórermenge jol tartady.