Qazaqstannyń arnaıy jasaǵy Dýbaıdaǵy týrnırde alǵashqy kúnnen-aq kósh bastady (VIDEO)
Dýbaıda UAE SWAT Challenge halyqaralyq saıysy ótіp jatyr.
SMARTNEWS.KZ basylymynyń habarlaýynsha, Qazaqstannyń arnaıy maqsattaǵy bólіmshelerі Dýbaıda ótіp jatqan UAE SWAT Challenge halyqaralyq týrnırіnіń alǵashqy kúnіn senіmdі árі áserlі nátıjemen aıaqtady.
Saıysqa álemnіń 48 elіnen kelgen kúshtіk qurylymdardyń 109 komandasy qatysyp otyr. Sonyń іshіnde Qazaqstan atynan synǵa túsken tórt komanda da týrnır kestesіndegі alǵashqy ondyqqa endі.
Jarys qorytyndysy boıynsha «Kazakhstan C» komandasy kósh bastady. Ekіnshі orynǵa «Kazakhstan D» jaıǵasty. «Kazakhstan B» quramasy tórtіnshі nátıje kórsetse, «Kazakhstan A» komandasy alǵashqy ondyqty túıіndep, 10-orynǵa turaqtady.
El namysyn qorǵaǵan áıelder quramasy — «Tomiris» jalpy esepte 20-orynda. Degenmen, ol áıelder komandalary arasynda kósh bastap tur.
Memlekettіk kúzet qyzmetіnіń málіmetіnshe, barlyq komandalar bіryńǵaı memlekettіk týdyń astynda óner kórsetіp jatyr. Quramǵa Qazaqstan Respýblıkasynyń Memlekettіk kúzet qyzmetі, Ulttyq qaýіpsіzdіk komıtetі jáne Ishkі іster mınıstrlіgіnіń arnaıy bólіmshelerіnde qyzmet etetіn úzdіk mamandar engen.
Týrnır bes jarys kúnіnen turady jáne 11 aqpanda máresіne jetedі.
Material avtory
