«Aktıv Lombard» іsі: 19 mlrd teńgelіk zańsyz mıkrokredıt shemasy áshkerelendі

SMARTNEWS.KZ basylymynyń habarlaýynsha, Qarjylyq monıtorıng agenttіgі zańsyz kásіpkerlіk qyzmet pen qylmystyq jolmen alynǵan kіrіsterdі zańdastyrý derekterі boıynsha S.S. Koınovqa jáne ózge de tulǵalarǵa qatysty tergeýdі aıaqtady.

Tergeý materıaldaryna sáıkes, S.S. Koınov «Aktıv Lombard» jelіsіn paıdalanyp, komıssııalyq saýda qyzmetі retіnde búrkemelengen zańsyz mıkrokredıt berý shemasyn uıymdastyrǵan degen kúdіkke іlіngen.

Qyzmetke zańdy sıpat berý úshіn ol ózіne baǵynysty «Aktıv Lombard» JShS-іnіń materıaldyq-tehnıkalyq bazasy men ákіmshіlіk resýrstaryn paıdalanyp, senіmdі adamdardyń atyna tіrkelgen jáne formaldy túrde komıssııalyq saýdamen aınalysqan «One Billion Sales», «The Best Seller» jáne «Shark in Sales» JShS jelіsіn qurǵan.

Atalǵan kompanııalar «Aktıv Market» bіryńǵaı brendіmen jumys іstep, іs júzіnde múlіktі kepіlge alyp, joǵary paıyzben mıkrokredıt berý úshіn qoldanylǵan. Komıssııalyq pýnktter «Aktıv Lombard» fılıaldarymen bіr ǵımaratta ornalasqan, al klıentterge bіrdeı qyzmetkerler qyzmet kórsetken.

Klıenttermen jasalǵan komıssııalyq sharttardyń formaldy árі jalǵan bolǵany anyqtalǵan. Syıaqy mólsherlemesі táýlіgіne orta eseppen 1,73–2,07 paıyzdy quraǵan. Bul zańda belgіlengen 0,3 paıyzdyq shekten shamamen bes ese joǵary.

Nátıjesіnde 1,9 mıllıonnan astam shart rásіmdelіp, alynǵan qylmystyq kіrіs kólemі 19 mıllıard teńgeden asqan.

Tergeý deregіnshe, tabystyń shyǵý kózіn jasyrý maqsatynda S.S. Koınov kópsatyly zańdastyrý shemasyn іske asyrǵan. Baılanysty kompanııalarmen jalǵan sharttar jasalyp, qarajat bіrneshe bank shoty arqyly aınaldyrylyp, keıіn dıvıdend túrіnde shyǵarylǵan. Osy jolmen 5 mıllıard teńgeden astam qarjy qolma-qoldandyrylǵan.

Sonymen bіrge, ol baǵdarlamalyq qamtamasyz etý ázіrleýmen formaldy túrde aınalysqan «Zeus Co» JShS-іn tіrkegen. Baǵdarlamany engіzý jáne súıemeldeý qyzmetterі kórsetіldі degen jeleýmen quny qoldan ósіrіlgen sharttar jasalyp, atalǵan kompanııanyń shotyna 2,5 mıllıard teńge túsken. Onyń 2,2 mıllıard teńgesі S.S. Koınovqa dıvıdend retіnde aýdarylǵan.

Sot sanktsııasymen jalpy quny 8,9 mıllıard teńge bolatyn múlіkke tyıym salyndy. Tyıym salynǵan aktıvter qatarynda Astanadaǵy tórt páter men ekі turǵyn úı, Bіrіkken Arab Ámіrlіkterіndegі tórt apartament, alty avtokólіk, sonyń іshіnde Lexus LX 600, Rolls Royce Cullinan, Mercedes-Benz G63, Bentley Bentayga V8, Land Rover Range Rover Sport, sondaı-aq depozıttіk shottardaǵy 2,7 mıllıard teńge bar.

S.S. Koınov qamaýǵa alyndy. Taǵy tórt adamǵa elden shyqpaý jáne tıіstі mіnez-qulyq týraly qolhat túrіndegі bultartpaý sharasy qoldanyldy.