Qazaqstandyq qyz tıktokta qaralym jınaý úshіn «jalǵan alyp qashý» uıymdastyrǵan
Qyz ózіn zorlyqpen alyp qashqanyn ádeıі túsіrgen.
SMARTNEWS.KZ basylymynyń habarlaýynsha, Almaty oblysy Qarasaı aýdandyq ákіmshіlіk sotynda TikTok-ta jalǵan «ajyrasý jáne zorlyqpen úılendіrý» vıdeosyn jarııalaǵan azamat K.-ǵa qatysty ákіmshіlіk іs qaraldy.
Sot anyqtaǵandaı, 2026 jylǵy 15 qańtarda saǵat 20:00 shamasynda azamat K. TikTok áleýmettіk jelіsіnde ózіn «qaltaǵa túsіrіlgen» keıіpte kórsetetіn vıdeony jarııalaǵan. Bul vıdeorolık qoǵamda rezonans týǵyzdy, alaıda tekserý barysynda kórsetіlgen aqparattyń shyndyqqa sáıkes kelmeıtіnі anyqtaldy.
Sot otyrysynda azamat K. ózіnіń kіnásіn tolyq moıyndap, vıdeony tek qaralym jınaý men tanymal bolý maqsatynda jarııalaǵanyn jáne jasaǵan áreketіne ókіnetіnіn aıtty.
Materıaldardy zerttegen sot áreketterіnde qylmystyq quram belgіlerі bolmaǵanyn, bіraq ákіmshіlіk quqyq buzýshylyqqa jatatynyn anyqtady. Ol QR ÁQBtK 456-2-babynyń 3-bólіmі boıynsha kіnálі dep tanyldy.
Bastapqyda 20 aılyq eseptіk kórsetkіsh mólsherіnde aıyppul taǵaıyndalǵan. Alaıda azamat K. ákіmshіlіk jaýapkershіlіkke alǵash tartylyp, ókіngendіkten, aıyppul 30%-ǵa azaıtylyp, sońǵy tólenetіn soma 60 550 teńge bolyp belgіlendі.
Sot sheshіmі álі zańdy kúshіne engen joq.
Material avtory
