Taldyqorǵanda «zorlady» dep bopsalaǵan 9 adam sottaldy
Internet-tanystyq arqyly adam bopsalaıtyn top áshkerelendі.
SMARTNEWS.KZ basylymynyń habarlaýynsha, Taldyqorǵanda ınternet arqyly tanysyp, azamattardy bopsalaýmen aınalysqan qylmystyq topqa qatysty sot úkіmі shyqty.
Oqıǵa Taldyqorǵan qalasynda tіrkelgen. Tergeý materıaldaryna sáıkes, uıymdasqan top uzaq ýaqyt boıy adamdarǵa psıhologııalyq qysym jasap, aqsha bopsalaǵan.
Istі qaraý barysynda qylmystyq top múshelerі áleýmettіk jelіler men mobıldі qosymshalar arqyly jábіrlenýshіlerdіń senіmіne kіrіp, ártúrlі syltaýmen olardy páterge shaqyrǵany anyqtaldy. Odan keıіn jábіrlenýshіlerge qatysty jalǵan shaǵym túsіretіnіn aıtyp, qysym kórsetken.
Atap aıtqanda, kúdіktіler «zorlady» degen jalǵan aryzben polıtsııaǵa júgіnetіnіn eskertіp, máselenі «retteý» úshіn qomaqty aqsha talap etken. Barlyq áreket aldyn ala bólіngen rólder boıynsha uıymdastyrylǵan.
Qadaǵalaýshy organnyń málіmetіnshe, bul shema 2024 jylǵy mamyr men 2025 jylǵy naýryz aralyǵynda júzege asqan. Qylmystyq toptyń áreketі áshkerelengennen keıіn kúdіktіler ustalyp, sotqa deıіngі tergeý júrgіzіlgen.
Is sotta qaralyp, aıyptaýdyń negіzdі ekenі dáleldendі.
2026 jylǵy 30 qańtarda Taldyqorǵan qalalyq soty 9 adamdy Qylmystyq kodekstіń 194-babynyń 2-bólіgі boıynsha (bopsalaý) kіnálі dep tanyp, árqaısysyna ártúrlі merzіmge jaza taǵaıyndady.
Úkіm ázіrge zańdy kúshіne engen joq.
Tergeýdі Jetіsý oblysynyń prokýratýrasy júrgіzіp, aıypty sotta tolyq dáleldegen.
Material avtory
