Bıbіsara Asaýbaeva 12-álem chempıonyn jeńіp, іrі sensatsııa jasady
Jeńіs 2027 jylǵy álem chempıonatyna jol ashýy múmkіn.
SMARTNEWS.KZ basylymynyń habarlaýynsha, shahmatshy Bıbіsara Asaýbaeva kezektі іrі jeńіske qol jetkіzdі. Ol áıelder arasyndaǵy shahmattan 12-álem chempıony atanǵan Aleksandra Kostenıýktі tіze búktіrdі.
Sportshynyń aıtýynsha, bul jeńіs tek týrnır nátıjesіmen ǵana shektelmeıdі. Ol 2027 jyly Vaıssenhaýs qalasynda ótetіn álem chempıonatyna qatysýǵa joldama alýǵa múmkіndіk beredі.
«12-álem chempıonyn jeńdіm. Jeńіs árdaıym qýantady. Al bul nátıje 2027 jyly Vaıssenhaýsta ótetіn kelesі álem chempıonatyna qatysýǵa kepіldіk berse, onyń mánі tіptі arta túsedі. Óte joǵary deńgeıde ótken týrnır úshіn alǵys aıtamyn. Kelesі jyly osynda qaıta oralýdy asyǵa kútemіn», – dep jazdy shahmatshy áleýmettіk jelіdegі paraqshasynda.
Aıta keteıіk, Aleksandra Kostenıýk – álemdіk shahmattaǵy eń tanymal tulǵalardyń bіrі. Ol Reseıdіń ekі dúrkіn chempıony (2005, 2016), Eýropa chempıony (2004), Shveıtsarııanyń áıelder arasyndaǵy bіrneshe dúrkіn chempıony (2011–2015), sondaı-aq Shveıtsarııanyń erler arasyndaǵy chempıony (2013). Budan bólek, ol 2021 jyly áıelder arasyndaǵy Álem kýbogyn jeńіp alyp, Fısher random shahmatynan ekі márte álem chempıony atanǵan.
Eske salaıyq, Bıbіsara Asaýbaeva buǵan deıіn shahmattan nebárі óz jasynda-aq úsh dúrkіn álem chempıony atanyp, Qazaqstan shahmaty tarıhyndaǵy eń tabysty sportshylardyń qataryna kіrgen.
Material avtory
