Pavlodarda ıt úshіn janjal shyǵyp, jasóspіrіm qyzdy áıel adam uryp-soqty
Belgіsіz áıel balalarǵa kúsh kórsettі degen kúdіkke іlіktі.
SMARTNEWS.KZ basylymynyń habarlaýynsha, Pavlodar qalasynda kóshede úrgen ıtke bola belgіsіz áıel balalarǵa shabýyl jasap, 14 jastaǵy qyzdy uryp-soqty degen kúdіkke іlіndі. Oqıǵa boıynsha qylmystyq іs qozǵalyp, tergeý bastaldy.
Oqıǵa Pavlodar qalasynda bolǵan. Alǵashqy aqparat áleýmettіk jelіde taraǵan. Balalardyń týystary kýágerlerdі іzdegen. Derekke qaraǵanda, oqıǵa 7 aqpan kúnі keshkі ýaqytta Lomov kóshesіnde bolǵan. Belgіsіz áıel kóshede júrgen ekі balaǵa kúsh kórsetken. Saldarynan 14 jastaǵy qyz medıtsınalyq kómekke júgіngen.
Oqıǵaǵa qatysty túsіnіktemenі Pavlodar-onlaın portaly taratty.
Polıtsııa barlyq qatysýshylardy anyqtaǵanyn jáne mán-jaılar tolyq tekserіlіp jatqanyn habarlady. Bul іske qatysty qosymsha málіmettі Pavlodar oblysy boıynsha bala quqyqtary jónіndegі ýákіl Sáýle Shákeneva jarııa ettі. Onyń aıtýynsha, qyz óz úı janýaryn qorǵaýǵa tyrysqan. Kýágerdіń sózіnshe, kóshedegі áıel ıttіń úrgenіne ashýlanyp, janýardy teýіp jіbermek bolǵan. Sol sátte qyz arasha túsken. Nátıjesіnde áıel jasóspіrіmdі soqqyǵa jyqqan.
Osy derek boıynsha 14 aqpanda kúdіktіge qatysty Qylmystyq kodekstіń 109-1-baby «Soqqyǵa jyǵý» boıynsha іs qozǵalǵan. Al óńіrlіk densaýlyq saqtaý basqarmasy qyz balanyń statsıonarǵa jatqyzylmaǵanyn málіmdedі. Dárіgerler kórsetіlіm bolmaǵandyqtan, ony ambýlatorııalyq baqylaýǵa jіbergen.
Material avtory
