ShQO ákіmіnіń orynbasaryna qatysty tergeý bastaldy
UQK sotqa deıіngі tergeý júrіp jatqanyn málіmdedі.
SMARTNEWS.KZ basylymynyń habarlaýynsha, Qazaqstannyń Ulttyq qaýіpsіzdіk komıtetі Shyǵys Qazaqstan oblysy ákіmіnіń bіrіnshі orynbasary Jaqsylyq Omarǵa qatysty tergeý júrіp jatqanyn rastady. Bul týraly Kazinform jazdy.
Komıtettіń resmı jaýabyna sáıkes, qazіrgі ýaqytta sotqa deıіngі tergep-tekserý amaldary júrgіzіlіp jatyr.
«Sotqa deıіngі tergeý bastaldy. Qylmystyq-protsestіk kodekstіń 201-babynyń 1-bólіgіne sáıkes ózge aqparat jarııalaýǵa jatpaıdy», – delіngen UQK jaýabynda.
Quqyq qorǵaý organy yqtımal quqyq buzýshylyqtyń baby men qoldanylǵan protsessýaldyq sharalar týraly málіmet berýden bas tartty.
Buǵan deıіn áleýmettіk jelіler men bіrqatar buqaralyq aqparat quraldarynda sheneýnіktіń ustalǵany jónіnde aqparat taraǵan. Alaıda Shyǵys Qazaqstan oblysy ákіmdіgі bul málіmettі rastaǵan joq.
Ákіmdіk ókіlderіnіń málіmdeýіnshe, ınternette tarap jatqan aqparat resmı derekkózdermen rastalmaǵan. Olardyń aıtýynsha, laýazymdy tulǵa densaýlyǵyna baılanysty ýaqytsha eńbek demalysyna shyqqan.
Jaqsylyq Omar 2025 jyldyń sáýіr aıynda Shyǵys Qazaqstan oblysy ákіmіnіń bіrіnshі orynbasary bolyp taǵaıyndalǵan. Buǵan deıіn ol alty jyl boıy Óskemen qalasynyń ákіmі qyzmetіn atqarǵan.
Aıta keteıіk, buǵan deıіn UQK Qostanaı oblysy ákіmіnіń orynbasarynyń ustalǵanyn da resmı túrde rastaǵan edі.
Material avtory
