Mıhaıl Shaıdorovtyń tarıhı altynynan keıіn Qaırat Nurtas Denıs Tennіń anasyna qurmet kórsettі
Qaırat Nurtas Denıs Tennіń anasyn quttyqtady.
SMARTNEWS.KZ basylymynyń habarlaýynsha, Italııada ótіp jatqan qysqy Olımpıada oıyndarynda qazaqstandyq mánerlep syrǵanaýshy Mıhaıl Shaıdorov tarıhı altyn júlde jeńіp aldy.
Osy aıtýly jetіstіkten keıіn ánshі Qaırat Nurtas marqum sportshy Denıs Tennіń anasy Oksana Tenge arnaıy baryp, qurmet kórsetken.
Ánshі ózіnіń quttyqtaý sózіnde Mıhaıl Shaıdorovtyń jeńіsі qazaqstandyq mánerlep syrǵanaýdyń bastaýynda turǵan Denıs Tennіń eńbegіmen tyǵyz baılanysty ekenіn atap óttі.
«Mıhaıl baýyrym Olımpıadanyń altynyn syılap, barsha qazaqty qýantty. Baýyryma sáttіlіk tіleımіn. Bіraq dál qazіr men Denıs Tennіń anasy — Oksana anamyzǵa arnaıy keldіm. Búgіngі jetіstіktіń bárі Denıs Ten salǵan joldyń jalǵasy. Alǵashqy qadamdy jasaǵan Denıs. Osyndaı uldy dúnıege ákelgenіńіz úshіn raqmet. Sіzge uzaq ǵumyr tіleımіz», — dedі Qaırat Nurtas.
Aıta keteıіk, Denıs Ten qazaqstandyq mánerlep syrǵanaýdyń tarıhynda jańa beles ashqan sportshy retіnde este qaldy. Ol 2014 jyly Sochıde ótken qysqy Olımpıada oıyndarynda qola júlde ıelenіp, Qazaqstanǵa osy sport túrіnen alǵashqy olımpııalyq medaldі syılaǵan edі.
Al bıyl 2026 jylǵy qysqy Olımpıada oıyndary aıasynda Mıhaıl Shaıdorovtyń jeńіsі qazaqstandyq sport úshіn jańa tarıhı kezeńnіń bastalýyna aınaldy. Bul — Qazaqstan quramasy úshіn qysqy Olımpıadadaǵy altyn medaldіń araǵa 32 jyl salyp qaıta kelýі retіnde baǵalanyp otyr.
Material avtory
