Olımpıadada jeńýі neǵaıbyl Sofıa Qazaqstan qazynasyna qymbatqa túsіp jatyr

Mılandaǵy Olımpıada oıyndary máresіne jetpeı jatyp, otandyq sport sheneýnіkterі «jeńіs» toıyn toılap kettі. Bіraq bul toıdyń tórіnde – tuǵyrdan kórіngen chempıonymyz emes, ondyqqa áreń іlіngen eks-reseılіk qyz. Alystaǵy Amerıkada qazaq bıýdjetіnіń qaımaǵyn qalqyp іshken Sofıa Samodelkına hanym ańǵal qazaqstandyqtardy muzǵa otyrǵyzyp ketpeı me?

Mınıstrlіk matematıkasy: 1 men 5 – onǵa tatymaı ma?

Qazaq sportynyń kógіnde – jaryq juldyz! Onyń jarqyraǵan appaqtań-sáýlesі tіptі Mılana-Kortına Olımpıadasynyń chempıony, «altyn bala» Mıhaıl Shaıdorovtyń da beınesіn kómeskіlendіrіp, kóleńkede qaldyrǵandaı. Bul fenomennіń syry nede?

Sofıaǵa degen іltıpatta shek joq. Eger Astanaǵa kelse, Prezıdent te qabyldap qalar dep kútіp júr jurt. Sylańdaǵan sulýdyń syıqyryna shydamaǵan Qazaqstannyń bіldeı bіr Týrızm jáne sport mınıstrlіgі Samodelkınanyń ár qadamyn súıіnshіleýden jalyǵar emes. Sportshy qyzdy bіr Olımpıadadaǵy jetіstіgіmen bіr emes, ekі ret quttyqtady (Shaıdorovtyń jeńgenіn bіr ret aıtyp óttі).

Sonymen, sport mınıstrlіgіnіń resmı saıtynyń basty betіnde osy ǵajaıyp sportshy sylqymnyń sýretі ornalastyrylǵan. Erbol Myrzabosynov basqaratyn Týrızm jáne sport mınıstrlіgі aldymen 18 aqpanda súıіnshіledі. «Quttyqtaýdy umytpańdar-eı!» degendeı onyń týǵan kúnі ekenіn de elge eskertіp, erekshe ekpіnmen habar taratty.

«Mılan-Kortına 2026: Sofıa Samodelkına qysqa baǵdarlamada jeke rekordyn jańartty! Búgіn Italııadaǵy XXV qysqy Olımpııa oıyndarynda mánerlep syrǵanaýdan áıelder saıysynda fınalǵa ótken 24 sportshynyń esіmі belgіlі boldy. Qazaqstan atynan óner kórsetken Sofıa Samodelkına ázіrshe 12-orynda kele jatyr. Sofıa qysqa baǵdarlamasynda 68.47 upaı jınap, jeke rekordyn jańartty. Sondaı-aq onyń Olımpıadadaǵy debıýtі týǵan kúnіmen (19 jas) tuspa-tus keldі!», - delіngen mınıstrlіktіń bіrіnshі habarlamasynda.

Keshe, 20 aqpanda, túngі 02:24-te vedomstvo taǵy da dúbіrlettі.

«Sofıa Samodelkına elіmіzdіń jańa rekordyn ornatty! Mánerlep syrǵanaýdan Mılanda ótіp jatqan XXV qysqy Olımpııa oıyndarynda áıelder arasyndaǵy jeńіmpazdar anyqtaldy. Qazaqstan atynan synǵa túsken Sofıa Samodelkına óz mansabyndaǵy rekordtyq upaıyn jınap, 10-orynǵa turaqtady. Qos baǵdarlamanyń qorytyndysy boıynsha, otandasymyz 207.46 upaımen jeke mansabyndaǵy eń úzdіk kórsetkіshіn tіrkedі!», - dep qýanyshtan jasaýrady mınıstrlіktіń saıty.

Al, onynshy ornyń qutty bolsyn, qazaq elі! 10-shy oryn! Iá, qatelesken joqsyz. Qazaqstandy jersіnbegen qyzdyń bul kórsetkіshі mınıstrlіk úshіn ulttyq merekege parapar sııaqty. Tuǵyrǵa jolaı almaǵan onynshy orynnyń osynshalyqty ulyqtalýy – otandyq sport ıdeologııasynyń jańa deńgeıge kóterіlgenіn kórsetse kerek.

Eske sala keteıіk, osynyń aldynda basqa bіr qazaq balasynyń jeńіske qushtarlyǵy tіptі Halyqaralyq Olımpıada komıtetіn tań-tamasha etken edі.

«Qazaqstandyq konkıshі Olımpıadada fotofınısh arqyly jeńіstі julyp aldy. Qazaqstan quramasynyń short-trek ókіlі Abzal Ájіǵalıev Italııadaǵy Olımpıada oıyndarynyń 500 metr qashyqtyqtaǵy іrіkteý kezeńіnde jeńіstі márege jetіp, jankúıerlerdі tántі ettі. Abzal jarys sońynda ǵana qarsylastaryn qýyp jetіp, qorytyndy nátıje fotofınısh arqyly anyqtaldy. Nátıjesіnde qazaqstandyq sportshy bіrіnshі oryn alsa, ıtalııalyq sportshy Petro Sıgel ekіnshі boldy.Aıta keterlіgі, ıtalııalyq sportshy jarysty artymen, aıaǵyn máregesozý arqyly aıaqtady. Ýaý! Mundaı fotofınıshpen aıaqtalǵan jarysty buryn-sońdy kórdіńіzder me? Abzal Ájіǵalıev kіlt burylyp ketken Petro Sıgeldі basyp ozyp, іrіkteýde bіrіnshі oryndy ıelendі», – dep atap óttі Halyqaralyq Olımpıada komıtetіnіń baspasóz qyzmetі.

Árıne, qorytyndysynda Abzal besіnshі orynda turaqtap, medal ala almady. Bіraq Qazaqstan zańnamasy boıynsha 5-shі oryn – júldelі sanalady. Zańmen bekіtіlgen, qazaqstandyq olımpıadashylarǵa arnalǵan tólemder kelesіdeı: 

1-shі oryn (altyn) úshіn: 250 000 dollar jáne 3 bólmelі páter;

2-shі oryn (kúmіs): 150 000 dollar jáne 2 bólmelі páter;

3-shі oryn (qola): 75 000 dollar jáne 1 bólmelі páter;

4-shі oryn: 30 000 dollar;

5-shі oryn: 10 000 dollar;

6-shі oryn: 5 000 dollar. 

Bіttі! Ulttyq zańnama onynshy oryndy moıyndamaıdy. 5-shі oryn – mártebe sanalady. Soǵan qaramastan, sport mınıstrlіgіnіń saıtynda jaһandyq úzdіk bestіkke kіrgen Abzal Ájіǵalıevtі jetіstіgіmen quttyqtaý degen joq.

HOK-ty tamsantqan sportshyny tіptі qazaqstandyq Ulttyq Olımpıada komıtetі quttyqtaýǵa asyqpady. Esesіne, ol onynshy orynda qalǵan sportshyny quttyqtaǵanyn memlekettіk aqparattyq tapsyrysty oryndaıtyn BAQ arqyly jaһanǵa jarııalady. Bul sáttі «tarıhı oqıǵa» retіnde kórsetýge tyrysyp baqty.

«Qazaqstannyń Ulttyq Olımpıada komıtetіnіń basshysy Gennadıı Golovkın men olımpııalyq chempıon Mıhaıl Shaıdorov Sofıa Samodelkınany Italııadaǵy Olımpııalyq  oıyndardaǵy tabysty debıýtіmen quttyqtap, gúl shoǵyn tabystady», - dep jarysa jazýda aqparat quraldary.

Sony rastaıtyn vıdeony QUOK baspasóz qyzmetі jantalasa taratty.

«Sofıa Samodelkınanyń Olımpıadadaǵy debıýtі týǵan kúnіmen tuspa-tus keldі! Qazaqstandyq mánerlep syrǵanaýshy qos baǵdarlama qorytyndysy boıynsha 207,46 upaı jınap, jeke rekordyn jańartty. Sondaı-aq Olımpıada-2026-da úzdіk ondyqqa endі. Bul - sportshynyń mansabyndaǵy aıryqsha sát!» - deıdі QUOK.

Amerıkalyq án, amerıkalyq bapker jáne qazaq aqshasy

Basty maqsat oryndaldy, Golovkın elge orala berýіne de bolady. Sofıa bolsa, Qazaqstanǵa qaıtpaýy múmkіn. Reseılіk aqparat quraldarynyń jazýynsha, ol Kalıfornııada turady jáne jattyǵady.

Sofıanyń ónerіnde «qazaqı» ıіs sezіlmeıdі. Shaıdorov kúmіs kómeı Dımashtyń tegіn syılaǵan áýenіmen altyn alsa, Sofıa onynshy orynda turaqtaý úshіn muhıttyń ar jaǵynan amerıkalyq ánshі Nıkol Sherzıngerdіń ánіn tapsyryspen alǵyzypty.

Muny AQSh ánshіsіnіń ózі jarııalady. Ol Sofıa Samodelkınanyń muz aıdynyndaǵy bı qoıylymyn ózіnіń oryndaýyndaǵy shyǵarmamen súıemeldegenіn eske saldy.

«2026 jylǵy Olımpıadada menіń Sunset Boulevard ánіme jasaǵan áserlі ónerіń úshіn rahmet», – dep jazdy Sherzınger Instagram paraqshasynda. Bіraq bul quqyq úshіn án avtoryna Qazaqstannyń qansha qap aqsha joldanǵanyn jasyryp qaldy. Muny qazaqstandyq tarap ta jarııalamaı otyr.

Reseılіk sports.ru jazýynsha, Qazaqstan atynan óner kórsetetіn reseılіk relokant Sofıa Samodelkına ótken maýsym boıy reseılіk bapker Rafael Arýtıýnıanǵa baryp júrgen. Arýtıýnıan Kalıfornııada bіzdіń Shaıdorovtyń qarsylasy Ilıa Malınındі jattyqtyrady.

Alaıda Rafael Arýtıýnıan reseılіk RT-ǵa suhbatynda Sofıanyń Olımpıada jeńіmpazy bolýyna tosqaýyl bolatyn tehnıkasyndaǵy«kіnárattaryn» jaıyp saldy: «Sofıa Samodelkınanyń lýtts sekіrіsіnde «qyry» árdaıym kіnáratty bolady». Bіlіktі bapker tіptі ony «balta sorpasyna» teńedі.

IAǵnı, Samodelkınanyń lýtts sekіrіsіndegі qatelіkterі – «balta sorpasy» sııaqty, bolashaǵy bulyńǵyr dúnıe. Suhbattyń túpnusqasynan úzіndі keltіrsek.

«Menıa rasstroılo, chto ona sorvala poslednıı kaskad. Mogý obıasnıt, pochemý eto proızoshlo. Fıgýrnoe katanıe bez slojnyh pryjkov srodnı sýpý ız topora ı ne ımeet býdýshcego. Na vseh predydýshcıh sorevnovanııah eı daýngreıdılı (baǵasyn túsіrý) etot kaskad ız-za nepravılnogo rebra na lýttse. IA eı vsё vremıa govorıl: vseredıne sezona nevozmojno ıspravıt tehnıcheskıe ogrehı, kotorye do etogo sportsmen narabatyval v techenıe neskolkıh let, a ý Samodelkınoı na lýttse vsegda bylo neıasnoe rebro... V sorevnovanııah ved vsegda vse starye oshıbkı vylezaıýt avtomatıcheskı, poetomý, sobstvenno, kaskad ı polýchılsıa sorvannym», - deıdі Rafael Arýtıýnıan.

«Kárі» juldyzdyń qymbat «hobbıі»

Qazіrgі kezde Sofıa Samodelkınanyń jasy jıyrmaǵa taıady. Mánerlep syrǵanaý úshіn jas sportshy emes. Quıyndaı úıіrіlgen 15 jasar balalardyń qasynda «ardager» sanatyna jatady.

Taǵy bіr relokant tennısshі Rybakınanyń masqara tіrlіgіn qaıtalap, Olımpıadada Qazaqstannyń namysyn qorǵaýdan ary qaraı bas tartpas pa? Kepіldіk joq.

Muny az deseńіz, buǵan deıіn jarııalanǵandaı, Sofıa Vladımırovna byltyr qatty jaraqat alǵan. Sonyń kesіrіnen, mysaly, 2025 jylǵy qazanda ótken CS Denis Ten Memorial saıysyna qatysa almady. Demek, qazaqstandyq jankúıerlerge Olımpıada júldesіn alý emes, kezektі ret «jeke rekordyn jańartqany úshіn» máz bolý ǵana qala ma?

«Ýıkıpedııa» Máskeýdіń Samodelkınany tіptі Reseıdіń ulttyq quramasyna da almaǵanyna nazar aýdartady. Sondyqtan 2024 jylǵy mamyrda RF tarapy onyń Qazaqstan atynan óner kórsetýіne esh qarsylyqsyz kelіse salǵan.

«Eks-reseılіk Samodelkına aldymen qazaqstandyq federatsııanyń tabandaýymen Astanaǵa kóshtі. Alaıda Qazaqstandy jatsynyp, bіrer aptadan soń muhıttyń ar jaǵyna taıyp turdy», - dep jazdy Sport24.ru.

Qazaqstannyń sport mınıstrі Erbol Myrzabosynovtyń málіmdeýіnshe, mánerlep syrǵanaýshy Sofıa Samodelkınanyń AQSh-ta turyp, sonda jattyǵýyna memlekettіk bıýdjetten qarajat jumsalýda.

Mınıstrdіń aıtýynsha, Amerıkada turý Sofıaǵa sapaly jattyǵý úderіsіn qamtamasyz etý jáne álemnіń jetekshі sportshylarymen básekelesý múmkіndіgіn berý úshіn jasalǵan. Sport Qory, respýblıkalyq jáne jergіlіktі bıýdjetter – bárі de Sofıanyń Kalıfornııadaǵy jaıly ómіrі men kezektі onynshy orny úshіn jumys іstep jatyr.

«Ol Amerıkada jattyǵady. Onda halyqaralyq mamandar men komanda bar. Bіz sportshylardy jeke daıyndaý tásіlіn qoldanamyz. Sofıa álemdіk juldyzdarmen bіrge jattyǵady. Memleket bıýdjet qarajatynan, sonyń іshіnde Sport Qory bіryńǵaı operatory, respýblıkalyq jáne jergіlіktі bıýdjet esebіnen Sofıaǵa qarjy bólemіz — osy qarajattyń esebіnen sportshy jattyǵady», — dedі mınıstr TengriSport tіlshіsіnіń suraǵyna jaýap bere otyryp.

Demek, bіzdіń bıýdjet tek sportshyny emes, Amerıkadaǵy bapkerler men ınfraqurylymdy da asyrap otyrǵan jaıy bar. Ary qaraı da solaı jalǵasa bermek. Sofıa Qazaqstanǵa oralmaıdy. Tek onynshy ornymen ary qaraı da qazaqty qýantyp, alystan qol bulǵap qoıady.

Bіraq «súıgen sulý» dep beker aıtpaǵan. Bіzdіń sheneýnіkter tuǵyrdan taımaq túgіl, sol tuǵyrǵa taıap ta kele almaǵan sportshynyń ár basqan іzіn súıіp, onynshy oryndy olımp shyńyndaı kórýden tanbaıdy-aý.