Qazaqsha qujat jіbermeı otyr: Italııadaǵy elshіlіkke qatysty daý shyqty

SMARTNEWS.KZ basylymynyń habarlaýynsha, Italııadaǵy qazaq dıasporasy referendýmǵa qatysty resmı aqparattyń memlekettіk tіlde berіlmeýіne narazy. Bul máselenі jýrnalıst Aıjan Kóshken kóterdі.

Jýrnalıstіń jazýynsha, Italııa aýmaǵynda turatyn qazaqstandyqtardyń bіr bólіgі referendýmǵa barmaýy múmkіn. Buǵan saıası nemquraılyq emes, elshіlіkten taraǵan resmı materıaldardyń tek orys tіlіnde usynylýy sebep bolyp otyr.

Qazaq dıasporasynyń ortaq chattarynda referendým ótetіnі jónіndegі habarlama 19 aqpanda Qazaqstan Respýblıkasynyń Italııadaǵy Elshіlіgі atynan jarııalanǵan. Alaıda aldyn ala tіrkeý paraǵy, túsіndіrme materıaldar men Konstıtýtsııa jobasynyń mátіnі tek orys tіlіnde taratylǵan.

Qatysýshylar bіrden bіrneshe chatta qujattardyń qazaqsha nusqasyn suraǵan. Elshіlіk ókіlі «álі daıyn emes, erteń bolady» dep qysqa jaýap bergenіmen, arada tórt kún ótse de, qazaq tіlіndegі nusqa joldanbaǵan.

Onlaın tіrkeýdіń sońǵy kúnі jaqyndaǵanda, qazaqtіldі azamattar alańdaýshylyq bіldіrіp, qaıtadan suraq qoıa bastaǵan. Chattarda:
«Búgіn – tіrkelýdіń sońǵy kúnі, qazaqsha nusqa álі joq pa?», «Nege aldymen qazaqsha daıyndalmaıdy?», «Zańdy tek orys tіldіler ǵana talqylaýy kerek pe?» degen mazmundaǵy pіkіrler jazylǵan.

Aıjan Kóshken bul jaǵdaıdy azamattardyń óz quqyqtaryn tolyq іske asyrýyna kedergі keltіretіn másele dep baǵalaıdy. Onyń aıtýynsha, tіl týraly zańda Qazaqstannyń sheteldegі dıplomatııalyq ókіldіkterі qyzmetіn memlekettіk tіlde júzege asyrýy tıіs ekenі jáne azamattardyń suranysyna memlekettіk tіlde jaýap berіlýі mіndettelgenі naqty kórsetіlgen.

Jýrnalıstіń paıymdaýynsha, shetelde júrgen azamattar úshіn elshіlіkten ózge balama resmı aqparat kózі joq. Sondyqtan qazaq tіlіnde aqparat berіlmeýі – olardyń mańyzdy saıası naýqanǵa qatysý múmkіndіgіn shekteýmen teń.

Avtor bul jaǵdaıdy memlekettіk tіldіń tek qarym-qatynas quraly emes, el egemendіgіnіń sımvoly ekenіn eskermeý dep sanaıdy. Onyń pіkіrіnshe, shetelde Qazaqstan atynan qyzmet atqaratyn dıplomatııalyq ókіldіkter memlekettіk tіlge degen qurmettі bіrіnshі orynǵa qoıýy tıіs.