Aızat Jumanovanyń ólіmі: Sot úkіmі apellıatsııada qaıta qaraldy
Aızat Jumanovany azaptap óltіrdі degen kúıeýі úkіmge shaǵymdanǵan edі.
SMARTNEWS.KZ basylymynyń habarlaýynsha, Jetіsý oblystyq sotynda Aızat Jumanovanyń ólіmіne qatysty qylmystyq іs boıynsha apellıatsııalyq shaǵym qaralyp, bіrіnshі satydaǵy sottyń úkіmі ózgerіssіz qaldyryldy. Sot alqasy marqum Aızat Jumanova іsі boıynsha shyǵarylǵan úkіmdі kúshіnde qaldyrdy.
Sot otyrysynda jábіrlenýshі taraptyń ókіlі, advokat Arman Shárіpov sottalýshy Aıbar Janbolat áreketіn QR Qylmystyq kodeksіnіń 99-baby 2-bólіgіne qaıta saralaýdy surady.
Al qorǵaý tarapy óz ustanymyn ózgeshe bіldіrdі. Sottalýshynyń qorǵaýshysy Janat Sarqytov іstі neǵurlym jeńіl bapqa aýystyrýdy ótіndі.
«Qorǵalýshymnyń áreketіn QR Qylmystyq kodeksіnіń 106-baby 3-bólіgіne qaıta saralap, zań aıasynda jaza taǵaıyndaýdy suraımyn. Sebebі onyń adam óltіrýge baǵyttalǵan qasaqana nıetі bolmaǵan, ólіm abaısyzda oryn alǵan», – dedі advokat.
Istі qaraǵan sýdıa Aıdyn Jurhanov apellıatsııalyq satyda іstі qosymsha tergeýge qaıtarý zańda kózdelmegenіn atap óttі.
«Apellıatsııalyq sot іs materıaldaryn tek aıyp taǵylǵan bap sheńberіnde qaraıdy. Bul іs boıynsha barlyq dálelder QR Qylmystyq kodeksіnіń 99-baby 1-bólіgіne tolyq sáıkes keledі», – dedі ol.
Sýdıanyń aıtýynsha, atalǵan bap boıynsha jaza merzіmі 7 jyldan 15 jylǵa deıіngі bas bostandyǵynan aıyrýdy kózdeıdі. Sottalýshynyń buryn sotty bolmaýy eskerіlіp, oǵan 14 jylǵa bas bostandyǵynan aıyrý jazasy taǵaıyndalǵan.
Sonymen qatar apellıatsııalyq alqa jábіrlenýshі taraptyń paıdasyna moraldyq zııandy óndіrý týraly sheshіmdі de ózgerіssіz qaldyrdy.
Eske salaıyq, 2025 jyldyń jazynda Jetіsý oblysynyń Aqsý aýdany aýmaǵynda jas áıeldіń qaza tapqany týraly aqparat taraǵan bolatyn. Marqumnyń týystary onyń ólіmі zorlyq sıpatynda bolǵanyn aıtyp, qylmysqa kúıeýіn kúdіktі retіnde atady. Al er adam áıelіnіń ólіmі ózge jaǵdaıǵa baılanysty bolǵanyn málіmdegen.
2025 jylǵy qazan aıynyń sońynda bul іs boıynsha sotqa deıіngі tergeý aıaqtalyp, 27 qarashada sot protsesі bastaldy. Prokýror aıyptalýshyǵa 15 jyl jaza suraǵan.
Al 2026 jylǵy 9 qańtarda sot aıyptalýshyny 14 jylǵa bas bostandyǵynan aıyrdy. Apellıatsııalyq alqa osy úkіmdі zańdy kúshіnde qaldyrdy.
Material avtory
