Qostanaıda júrgіzýshі 13 jastaǵy qyzdy qaǵyp, qashyp kettі
Qyz balaǵa dárіgerler ambýlatorııalyq em men baqylaý taǵaıyndady.
SMARTNEWS.KZ basylymynyń habarlaýynsha, Qostanaı qalasynda júrgіzýshі jaıaý júrgіnshіler ótkelіnde 13 jastaǵy qyz balany qaǵyp ketіp, oqıǵa ornynan qashyp ketken. Aqparatty Alau.kz basylymy jazdy.
Oqıǵa 26 aqpanda bolǵan. Jol-kólіk oqıǵasy týraly aqparat áleýmettіk jelіlerde taraǵannan keıіn, zardap shekken balanyń anasy kýágerlerden kómek surap, úndeý jasaǵan.
Oblystyq densaýlyq saqtaý basqarmasynyń málіmetіnshe, qyz balanyń denesі soǵylǵan. Dárіgerler tekserýden keıіn em qabyldaý jáne turǵylyqty jerі boıynsha emhanada baqylaýda bolý jónіnde usynys bergen.
Qostanaı qalalyq polıtsııasy oqıǵaǵa qatysty jedel іzdestіrý jumystaryn bastaǵan.
Qalalyq polıtsııa basqarmasy bastyǵynyń orynbasary Marat Sahratov:
«Rettelmeıtіn jaıaý júrgіnshіler ótkelіnde belgіsіz avtokólіk júrgіzýshіsі balany qaǵyp, oqıǵa ornynan іzіn sýytqan. Kólіktі anyqtaý úshіn jedel-іzdestіrý toby quryldy. Qazіrgі tańda naqty baǵyttar boıynsha jumys júrіp jatyr», – dedі.
Polıtsııa deregіne súıensek, jyl basynan berі Qostanaıda jaıaý júrgіnshіlerdі qaǵý deregі 16 ret tіrkelgen. Sonymen qatar, bıyl rólde otyryp telefon qoldanǵan júrgіzýshіler sany ótken jyldyń osy kezeńіmen salystyrǵanda 20 paıyzǵa artqan.
Quqyq qorǵaý organdary jol boıyndaǵy beınebaqylaý jazbalaryn tekserіp, jasóspіrіmdі qaǵyp ketken júrgіzýshіnі іzdeýdі jalǵastyryp jatyr.
Material avtory
