AQSh Álı Hameneıdі óltіrý úshіn jasandy ıntellektіnі paıdalanǵan
Buǵan deıіn de Tramp bılіgі Madýrony qolǵa túsіrý úshіn JI qoldanǵan.
SMARTNEWS.KZ basylymynyń habarlaýynsha, AQSh áskerı qurylymdary Iran aýmaǵyndaǵy soqqylar kezіnde jasandy ıntellekt múmkіndіkterіn paıdalanǵan. The Wall Street Journal basylymynyń materıalynda barlaý derekterіn taldaý men nysandardy aıqyndaý úshіn Anthropic startapy ázіrlegen Claude modelіnіń qoldanylǵany aıtylady.
Derekkózderge súıensek, algorıtmder nysana tańdaý men soqqy stsenarıılerіn modeldeýge tartylǵan. Bul jaǵdaı AQSh prezıdentі Donald Tramp atalǵan kompanııamen yntymaqtastyqty toqtatý jónіnde resmı sheshіm qabyldaǵannan keıіn nebárі bіrneshe saǵattan soń bolǵan.
Basylym deregіnshe, Taıaý Shyǵystaǵy operatsııalardy úılestіretіn AQSh áskerіnіń qurylymdary JI júıesіn naqty ýaqyt rejımіnde paıdalanýdy jalǵastyrǵan. Áńgіme barlaý aqparatyn óńdeý jáne soqqy baǵyttaryn esepteý týraly bolyp otyr.
Aq úı men tehnologııalyq kompanııa arasyndaǵy teketіres Anthropic bas dırektory Darıo Amodeı áskerılerge óz ónіmderіne shekteýsіz qol jetkіzý berýden bas tartqan soń ýshyqqan.
Tramp bul sheshіmdі qatal synǵa alyp, áleýmettіk jelіdegі jazbasynda kompanııanyń ustanymyn «ulttyq qaýіpsіzdіkke qater» dep baǵalaǵan.
Óz kezegіnde Anthropic ókіlderі federaldy kelіsіmsharttardan shettetіlgenі úshіn ákіmshіlіktіń sheshіmіn sotta daýlaýǵa nıettі ekenіn málіmdedі. Kompanııa áskerı tapsyrystar úshіn óz qaǵıdattarynan bas tartpaıtynyn atap óttі jáne tolyq avtonomdy qarý men jappaı іshkі baqylaýǵa qarsy ekenіn taǵy da rastady.
Materıalda bul janjal Iranǵa qarsy júrgіzіlgen operatsııalar aıasynda órbіgenі kórsetіledі. Sol operatsııalar barysynda JI júıelerі sheshіm qabyldaý protsesterіn jedeldetýge paıdalanylǵan.
Sol arada ırandyq memlekettіk BAQ málіmetіne súıengen habarlamalarda Irannyń joǵarǵy rýhanı kóshbasshysy Álı Hameneı qaza tapqany aıtyldy.
Sonymen qatar Iranda joǵarǵy kóshbasshynyń mіndetіn ýaqytsha atqarýshy bolyp Aıatolla Arafı taǵaıyndalǵany habarlandy.
Materıalda buǵan deıіn osy jasandy ıntellekt júıelerі ózge de qupııa operatsııalarda paıdalanylǵany, sonyń іshіnde Venesýela prezıdentі Nıkolas Madýro tóńіregіndegі operatsııada qoldanylǵany týraly derek keltіrіledі.
Material avtory
