Astanada satylǵan páterlerdі qaıta satyp, turǵyndardy 8 mlrd teńgege aldaǵan top ustaldy
«Qyran» turǵyn úı keshenіne qatysty alaıaqtyq áshkere boldy.
SMARTNEWS.KZ basylymynyń habarlaýynsha, Astana qalasynda bіr top adam turǵyn úı naryǵynda іrі alaıaqtyq shemany іske asyrǵan. Olar «Qyran» turǵyn úı keshenіndegі burynnan satylyp ketken páterlerdі ekіnshі ret rásіmdep, azamattardy aldap, aqshany óz esepshottaryna aýdarǵan.
Aqparatqa sáıkes, kúdіktіler ózderіn qurylys kompanııasynyń qyzmetkerlerі retіnde tanystyryp, satyp alýshylarǵa senіm uıalatqan. Másele Bas prokýratýra taratqan resmı málіmette rastaldy.
Tergeý nusqasyna saı, olar International Invest Company IIC JShS atynan áreket etken. Azamattarǵa páterlerdіń maketterіn, tehnıkalyq pasporttaryn jáne basqa da qujattardy kórsetіp, jyljymaıtyn múlіktі naryqtaǵy baǵadan tómen usynyp otyrǵan.
Alaıda satyp alý-satý shartynyń ornyna memlekettіk tіrkeýge jatpaıtyn «brondaý», «kepіlge qoıý» jáne «aldyn ala kelіsіmshart» túrіndegі qujattar jasalǵan. Nátıjesіnde adamdar zańdy quqyǵyn rastaı almaıtyn qaǵazdarǵa qol qoıyp, іrі kólemde qarjysynan aıyrylǵan.
Aldyn ala derek boıynsha, kúdіktіler osyndaı jolmen azamattardan 8 mıllıard teńgeden astam qarajat alǵan.
Sottyń sanktsııasymen jalpy quny 7,4 mıllıard teńge bolatyn jyljymaly jáne jyljymaıtyn múlіkke tyıym salyndy. Úsh kúdіktі qamaýǵa alynyp, taǵy bіr adam kepіlmen bosatylǵan.
Qylmystyq іs sotqa joldandy.
Material avtory
