Semeıde «kezeksіz páter» degen jeleýmen 5 mln teńge alǵan erlі-zaıypty ustaldy
Jábіrlenýshі qarajatty kúdіktіlerdіń bank shotyna aýdarǵan.
SMARTNEWS.KZ basylymynyń habarlaýynsha, Semeı qalasynda turǵyn úıdі zańsyz jolmen rásіmdep beremіz dep ýáde etken erlі-zaıyptyǵa qatysty qylmystyq іs qozǵaldy. Bul týraly Polisia.kz portaly jazdy.
Polıtsııaǵa Semeı qalasynyń 36 jastaǵy turǵyny aryzdanǵan. Onyń aıtýynsha, 2025 jylǵy tamyz aıynda ol 56 jastaǵy áıel men onyń 59 jastaǵy jubaıynyń bank shotyna 5 mıllıon teńge aýdarǵan.
Kúdіktіler jábіrlenýshіnі «memlekettіk baǵdarlama arqyly kezeksіz páter alyp berýge kómektesemіz» dep sendіrgen. Alaıda ýáde oryndalmaǵan, al berіlgen qarajat kerі qaıtarylmaǵan.
Atalǵan derek boıynsha adamdar toby jasaǵan іrі kólemdegі alaıaqtyq faktіsіmen sotqa deıіngі tergep-tekserý bastaldy. Kúdіktіlerge bultartpaý sharasy retіnde kelý mіndettemesі qoldanyldy.
Polıtsııa ókіlderі azamattardy taǵy da saq bolýǵa shaqyrdy.
«Memlekettіk turǵyn úı, áleýmettіk tólemder nemese jeńіldіkterdі zańnan tys jolmen rásіmdep beremіz degen kez kelgen usynys – qylmystyq jaýapkershіlіkke aparatyn tіkeleı jol. Deldaldarǵa senbeńіzder jáne aqparatty tek resmı derekkózderden tekserіńіzder», – dep eskerttі quqyq qorǵaý organdary.
Material avtory
