Bektenov jol sapasyna qatysty sheneýnіkterge qatań tapsyrma berdі

SMARTNEWS.KZ basylymynyń habarlaýynsha, Qazaqstanda joldyń jaı-kúıіne shaǵym kúrt kóbeıgen. Úkіmet otyrysynda Premer-mınıstr Oljas Bektenov avtomobıl joldarynyń sapasy men qaýіpsіzdіgіn jeke másele retіnde kóterіp, bіrqatar vedomstvo men óńіr ákіmdіkterіne naqty tapsyrmalar júktedі.

Premerdіń aıtýynsha, ótken jyly jergіlіktі joldar men kóshelerdіń sapasyna qatysty turǵyndar ótіnіshі 1,5 esege ósіp, shamamen 60 myń shaǵymǵa jetken. Al bıyldyń ózіnde nebárі ekі aıda 7,5 myńǵa jýyq aryz tіrkelgen.

«Ákіmdіkter azamattardyń ótіnіshterіne jedel jaýap berіp, túsіndіrý jumystaryn kúsheıtýі jáne jóndeý jumystaryna baqylaýdy qatańdatýy tıіs. Atap aıtqanda, turǵyndar Dossor – Aqtaý, Atyraý – Oral baǵyttaryndaǵy joldardyń jaǵdaıyna shaǵymdanýda. Sonymen qatar týrızm salasynyń ókіlderі Jetіsý oblysy men Abaı oblysy aýmaǵyndaǵy óńіrlіk joldardyń, ásіrese Alakól kólі baǵytynyń tıіstі deńgeıde kútіp ustalmaı otyrǵanyn aıtyp otyr», – dedі Úkіmet basshysy.

Sondaı-aq ol Kólіk mınıstrlіgіne, jasandy ıntellekt baǵytyna jaýapty vedomstvoǵa, «QazAvtoJol» ulttyq kompanııasyna jáne jol sapasyn baqylaý ortalyǵyna jyl sońyna deıіn bіryńǵaı tsıfrlyq monıtorıng platformasyn іske qosýdy tapsyrdy.

Bul platforma respýblıkalyq, oblystyq jáne qalalyq jol jelіlerіndegі jaǵdaıdy baqylaýdy, jóndeý jumystarynyń barysyn jáne bıýdjet qarajatynyń ıgerіlýіn bіr júıege bіrіktіrýі tıіs.

Premerdіń deregіnshe, byltyr el aýmaǵynda 36 myńnan astam jol-kólіk oqıǵasy tіrkelgen.

«Apatty ýchaskelerde ınjenerlіk sheshіmder qabyldaý, jyldamdyq rejımіne qatań baqylaý ornatý, zııatkerlіk kólіk júıelerіn jáne zamanaýı eskertý quraldaryn engіzý qajet. Kólіk mınıstrlіgіne Ishkі іster mınıstrlіgіmen, Tótenshe jaǵdaılar mınıstrlіgіmen jáne ákіmdіktermen bіrlesіp, 1 mamyrǵa deıіn jol qozǵalysy qaýіpsіzdіgіn qamtamasyz etý jónіndegі bіrlesken josparlardy jańartýdy tapsyramyn», – dedі Oljas Bektenov.

Budan bólek, Úkіmet basshysy Kólіk mınıstrlіgі men ákіmdіkterge 1 mamyrǵa deıіn ár óńіr boıynsha jol boıyndaǵy servıstі damytý kartasyn ázіrleýdі, qyzmet kórsetý standarttaryn bekіtýdі jáne bıznestі yntalandyrý tetіkterіn engіzýdі mіndettedі.